Саастаах дьахтары түҥнэри көппүт суоппар дьыалата суут көрүүтүгэр ыытылынна

Дьокуускай куорат борокуратуурата 1997 с.т. олохтоох киһиэхэ сыһыаннаах холуобунай дьыалаҕа буруйдуур түмүгү бигэргэттэ диэн Саха сирин Борокуратуурата иһитиннэрэр.

Кини РФ Холуобунай кодексатын 264-с ыстатыйатын 3-с чааһынан (суол быраабылатын кэһии, сэрэҕэ суохтан киһи өлүүтүгэр тиэрдии) буруйданар.

Силиэстийэ барылынан, буруйданааччы 2025 сыл алтынньы 20 күнүгэр күнүс Билибин уулуссатыгар баар биир дьиэ таһынааҕы тиэргэнигэр «Toyota Duna» массыынатынан 1948 с.т. дьахтары түҥнэри көппүт. Суол быһылаанын түмүгэр дьахтар ылбыт эчэйиититтэн суһал көмө массыынатыгар өлбүт.

ИДьМ сулууспатын силиэстийэлиир управлениетын силиэстийэлээбит холуобунай дьыалатын борокуруор суукка ыытта.