Хаартыска: sakha.gov.ru ылылынна
Мэҥэ Хаҥалас улууһугар Аллараа Бэстээххэ байыаннай дьайыы бэтэрээннэригэр уонна кинилэр дьиэ кэргэттэригэр анаан биисинэс-сэминээр ыытылынна.
Тэрээһини «Биисинэс-инкубатор» МКУ өйөбүлүнэн чоциальнай координатор Елена Аммосова тэрийэн, иилээн-саҕалаан ыытта. Бу туһунан «Аҕа дойдуну көмүскээччилэр» пуонда филиала иһитиннэрдэ.
Сэминээргэ улуустан сүүрбэттэн тахса киһи кыттыбыт. Истээччилэргэ өрөспүүбүлүкэҕэ урбаанньыттарга өйөбүлү оҥорор тутаах тэрилтэлэр бэрэстэбиитэллэрэ тыл эппиттэр. Онон сэминээр кыттыылаахтара биисинэс-идеяны хайдах толкуйдууру, тэрийэри, биисинэс-былааны оҥорору, социальнай хантараак түһэрсэри, бэйэ дьарыктаах буолуутун статуһун хайдах ылары, грантовай куонкурустарга кыттары, ол иһигэр «Агромотиватор» киллэрэн туран, о.д.а. сэргиир, сэҥээрэр боппуруостарыгар толору хоруйдары ылбыттар, элбэҕи билбиттэр-көрбүттэр.
—Үүммүт 2026 сыл биһиги улууспутугар Олохтоох оҥорон таһаарыы сылынан биллэрилиннэ. Онон бүгүҥҥү сэминээр үлэни-хамнаһы саҕалыырга бэтэрээннэргэ, байыаннай дьайыы кыттыылаахтарыгар уонна кинилэр чугас дьонноругар бигэ тирэх буоларыгар баҕарабын. Урбаҥҥа, саҕалаабыт дьыалаларыгар билиини-көрүүнү ылан туһаналларыгар эрэнэбин, — диэн социальнай координатор Елена Аммосова санаатын үллэстэр.
Кини байыаннай дьайыы бэтэрээннэрин урбааҥҥа көҕүлээһиҥҥэ өйүүр үлэ-хамнас хайыы-үйэ түмүктэри көрдөрөн эрэрин бэлиэтиир.
—Ааспыт кэмҥэ Мэҥэ Хаҥалас улууһугар хас да байыаннай дьайыы бэтэрээнэ уонна кинилэр чугас дьонноро өйөбүл араас көрүҥнэринэн ситиһиилээхтик туһаммыттара. Бэйэ дьыалатын саҕалыырга хас да социальнай хантараак түһэрсиллибитэ, — диэн этэр кини.
Сиһилии: https://www.sakha.gov.ru/news/19602
СӨ Ил Дарханын уонна Бырабыыталыстыбатын пресс-сулууспата
Олунньу 2 күнүгэр Дьокуускайга Арассыыйатааҕы Буойун албан аатын күнүн бэлиэтиир өйдөбүнньүк тэрээһиннэр ыытылыннылар — бу…
Олунньу 2 күнэ -- Сталинграды босхолооһун күнэ. Бу Сэбиэскэй Аармыйа ситиспит Улуу Кыайыыта бүтүн аан…
Аатырбыт "Алеша" Танк экипаһын хамандыыра, Арассыыйа Дьоруойа Александр Сергеевич Леваков байыаннай дьайыы саҕаланыаҕыттан Саха сириттэн…
Олунньу 2 күнэ - Арассыыйаҕа Сталинград кыргыһыытыгар Сэбиэскэй аармыйа ньиэмэс-фашист күүстэрин үлтүрүппүт бэлиэ күнэ. Сталинград…
Табаҕын бырахпыт киһи доруобуйата бөҕөргүүр, сэниэлэнэр, эрчимнэнэр. -хаанын баттааһына уонна сүрэҕин тэбиитэ 20 мүн. нуорма…
Өс хоһоонугар аһыырга 40 аньыы (бобуу) баар диэн этиллэр. 40, арыт, 44 буоларын бэлиэтииллэр. Дьэ,…