Хаартыска: ru.freepik.com
Субуота – Сатурн салайар күнэ. Бу күн ыксааһыны, ыгылыйыыны сөбүлээбэт. Барытын толкуйдаан, тиһэҕэр тиэрдэр ирдэнэр. Дьиэ кэргэҥҥэ, тус олоххо болҕомто ууруллар кэмэ. Ситэ оҥоһуллубатах дьыаланы ситэрэргэ тоҕоостоох кэм үүммүт.
♈ Хой (21.03 – 20.04)
Бүгүн күүскүтүн-уоххутун биир сүрүн дьыалаҕа туһаайыҥ. Онно-манна аралдьыйбакка, биир саамай наадалаах үлэни саҕалаатаххытына, киэһэлик түмүгүттэн астыныаххыт. Дьиэҕэ-уокка тугу эрэ тупсарарга табыгастаах кэм.
♉ Оҕус (21.04 – 21.05)
Дууһаҕыт уоскулаҥы көрдүүр күн үммүт. Дьиэҕитигэр-уоккутугар уоскулаҥы, сылааһы киллэрэргитигэр табыгастаах күн. Минньигэс аһы астаан чугас дьоҥҥутун үөрдүҥ. Үп-харчы боппуруоһун ырытарга сөптөөх кэм.
♊ Игирэлэр (22.05 – 21.06)
Наадата суох кэпсэтиилэргэ, ол-бу араас сурахтарга онто да суох кылгас иллэҥ бириэмэҕитин бараамаҥ. Бүгүн туһалаах кинигэни ааҕар, эбэтэр инники торумнары сурунар ордук. Чуумпуга сылдьан толкуйдаатаххытына, элбэх саҥа санаа киириэ.
♋ Араак (22.06 – 22.07)
Чугас дьоҥҥут, аймахтаргыт болҕомтоҕо наадыйбыттар. Бүгүн кинилэргэ бириэмэни аныыргыт эһиэхэ да, кинилэргэ да үөрүүнү аҕалыа. Урукку кэрэ кэмнэри ахтыһан, санааҕыт көтөҕүллүө.
♌ Хахай (23.07 – 23.08)
Бүгүн атыттар болҕомтолорун тардартан туттунуҥ. Бэйэҕит ис туруккутугар болҕомто уураргыт ордук. Соҕотох хаалан, дууһаҕытын сынньатыҥ, күүс-уох мунньунуҥ. Ким эмэ сүбэ көрдөөтөҕүнэ – аккаастаамаҥ.
♍ Кыыс (24.08 – 23.09)
Бэрээдэги олохтуурга, былааннары сурунарга саамай табыгастаах кэм. Дьиэҕитин хомуйуҥ, наадата суох маллартан босхолонуҥ. Бу дьайыы эһиэхэ чэпчээһини, саҥа күүһү киллэриэ.
♎ Ыйааһын (24.09 – 23.10)
Партнердыы сыһыаҥҥа быһаарыылаах кэпсэтии наада. Тугу эрэ өйдөспөккө сылдьар буоллаххытына, бүгүн ол туһунан аһаҕастык кэпсэтэргит ордук. Болҕомтолоохтук истэргит, утарыласпаккыт эйэни олохтуо.
♏ Скорпион (24.10 – 22.11)
Дириҥ толкуйу эрэйэр дьыаланы ылыннаххытына, ситиһии күүтэр. Тугу эрэ чинчийэр, үөрэтэр үлэҕит таһаарыылаах буолуо. Кистэлэҥи арыйыаххытын, эбэтэр уруккуттан эрэйдиир боппуруоска эппиэт булуоххутун сөп.
♐ Охчут (23.11 – 21.12)
Ырааҕы былаанныыртан туттунуҥ, бүгүҥҥү күҥҥэ баар кыһалҕаны быһаарыҥ. Дьиэ кэргэҥҥитигэр, доруобуйаҕытыгар болҕомтону ууруҥ. Айылҕаҕа кылгастык тахсан салгын сиэтэххитинэ, санааҕыт сэргэхсийиэ.
♑ Чубуку (22.12 – 20.01)
Бүгүн эһиги күүстээххит. Саамай эппиэтинэстээх сорудаҕы куттаммакка ылыныҥ. Күүскүт-уоххут элбэх, тугу барытын ситиһэр кыахтааххыт. Салайааччылар эбэтэр аҕам саастаах дьон сүбэлэрин истэргит туһалыа.
♒ Күрүлгэн (21.01 – 18.02)
Саҥа санааларгытын кумааҕыга суруйан, хайдах олоххо киллэрэр туһунан толкуйдааҥ. Бүгүн ыра санаа күнэ буолбатах, чуолкай былаан күнэ. Доҕотторгутун кытта кэпсэтии саҥа кыахтары арыйыан сөп.
♓ Балыктар (19.02 – 20.03)
Түөрт эркиҥҥэ хааллан, араас санааҕа баттатартан сэрэниҥ. Дьиэ үлэтинэн дьарыктаныҥ — дьиэҕэ-уокка тугу эрэ тупсарарга табыгастаах кэм. Ситэриллибэтэх дьыаланы тиһэҕэр тиэрдэр кэм кэлбит.
Бүлүү бөлөх улуустарыгар уотунан сылыттынан олорор олохтоохтор тус счеттарыгар, төлүүллэрин саҕана, икки бүк үрдүк сыана…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Биэрэккэ" кэпсээнин истиҥ.
СӨ Бырабыыталыстыбатын Бэрэссэдээтэлин солбуйааччы Ольга Балабкина салайааччылаах бырабыыталыстыба бөлөҕө бөлөхтөргө арахсан, олунньу 5-6 күннэригэр Горнай…
…Киин куорат олохтооҕо Ньургун, син эмиэ сорох эдэр дьон курдук, туох да кыһалҕата суох пицца…
Киин куоракка «Триумф» успуорт уораҕайыгар тыҥааһыннаах киирсиилэр саҕаланнылар. Хапсаҕайдаһан тустууга норуоттар икки ардыларынааҕы күрэхтэһии көбүөрүгэр…
Быйыл Муома улууһун Соболоох сэлиэнньэтин оскуолатыгар хапытаалынай өрөмүөн ыытыллыаҕа. Маннык иһитиннэриини вице-премьер Георгий Степанов салайааччылаах…