28 саастаах эр киһи дьахтары кырбаан өлөрүүгэ буруйданар

Дьокуускай куораттааҕы суут РФ ХК 111 ыст. 4 ч. буруйданар Таатта улууһуттан төрүттээх 28 саастаах киһиэхэ икки ыйга миэрэни ылла.

Бу дьыл кулун тутар 18 күнүгэр Дьокуускайга 202-с түөлбэҕэ баар элбэх кыбартыыралаах дьиэҕэ 38 саастаах дьахтары өлөрүүнэн холуобунай дьыала тэрилиннэ.

Силиэстийэ барыллаан быһаарбытынан, кулун тутар 13 күнүгэр Кулаковскай уул. баар элбэх кыбартыыралаах дьиэ тиэх.этээһигэр буруйданааччы уонна эмсэҕэлээччи күнүүлэһииттэн сылтаан этиспиттэр, онуоха эр киһи дьахтары хаста даҕаны төбөҕө охсубут. Салгыы 202-с түөлбэҕэ баар кыбартыыраҕа арыгылааһын кэмигэр буруйданааччы кулун тутар 14 күнүн 14 ч. саҕалаан кулун тутар 15 күнүн 20 ч. диэри дьахтары аччаабыта 18-та саайбыт, тэппит, итиэннэ эмиэ аччаабыта иккитэ олоппоһунан төбөҕө охсубут. Ол эчэйиилэриттэн дьахтар тыына быстыбыт.

Суут уурааҕа сокуоннай күүһүгэр киирэ илик.