2843 киһи сонотуоруйга-куруорка барар айана төлөммүт

Социальнай пуонда Саха сиринээҕи салаата быйыл 2843 киһи сонотуоруйга-куруорка барарыгар айаннарын ороскуотун төлөөтө. 

2025 сыл саҕаланыаҕыттан, барыта 5265 толуон бэриллибит. Ол иһигэр, 1229 киһи мэдиссиинэ үрдүк технологиялаах көмөтүн оҥорор тэрилтэлэргэ тиийбит, 914 киһи сонотуоруйга-куруорка эмтэммит, сынньаммыт.

Чэпчэтиилээх бырайыас социальнай өҥө нобуоругар (НСУ) киирэр. Ону кимнээххэ биэрэллэрий?

• инбэлиит оҕолорго уонна улахан дьоҥҥо;
• бойобуой дьайыы бэтэрээннэригэр;
• Аҕа дойду сэриитин кыттыылаахтарыгар;
• ядернай дэлби тэптэрии содулун туоратыспыттарга, уо.д.а.

Бу социальнай өҥө нобуоругар эминэн хааччыйыы, сонотуоруйга-куруорка эмтэнии, куорат таһынааҕы пуойастарга босхо айан, о.д.а. киирэллэр.