СИА. Андрей Сорокин хаартыскаҕа түһэриитэ
Олунньу 4 күнэ араагы утары охсуһуу бүтүн аан дойдутааҕы күнүнэн буолар.
Бүгүн искэн ыарыыны утары үлэҕэ сыһыаннаах мунньахха сүрүн иһитиннэриини СӨ доруобуйаҕа харыстабылын миниистирэ Лена Афанасьева оҥордо. Кини иһитиннэрбитинэн, тутулла турар Онкологическай диспансерга мэдиссиинискэй каадырдары бэлэмниир инниттэн 2019-2022 сылларга тус сыаллаах 124 дуогабар түһэрсиллибит.
«2024 сылга диэри мэдиссиинискэй 170 исписэлииһи бэлэмниир былааннаахпыт», — диэн миниистир быһаарар. Санатар буоллахха, саҥа киин поликлиникалаах буолар, симиэнэҕэ 210 киһини көрдөрөр кыахтаах. Стационара 180 куойкалаах. Туспа хаһаайыстыбаннай блоктаах. Быйыл үлэҕэ киирэр.
Бүгүҥҥү суолталаах тустаах күҥҥэ Ил Дархан Айсен Николаев: «Дойду үрдүнэн искэн ыарыытыттан өлүү сүрэх-тымыр ыарыыларын кэнниттэн иккис миэстэҕэ турар. Ыарыы баарын эрдэ билэн, быһааран, өрөспүүбүлүкэ иһигэр аныгы мэдиссиинискэй көмөнү оҥоруу улахан суолталаах. Атын сиргэ дьону ыыппакка. Ол курдук, искэн ыарыыны утары сүрүн үлэни тутулла турар Онкологическай киин оҥоруоҕа. Саҥа диспансерга искэн бары ыарыытын көрүҥүн эмтээһиҥҥэ мэдиссиинискэй көмө бары хайысхата оҥоһуллуохтара. Аныгы оборудованиелар көмөлөрүнэн быраастар ханнык баҕарар эпэрээссийэни үрдүк таһымнаахтык ыытыахтара.
Бүгүн тустаах мунньахха саҥа киини каадырынан хааччыйыы боппуруоһун дьүүллэстибит. Инники өттүгэр үрдүк таһымнаах исписэлиистэр бэлэмниир былааны быһаарыстыбыт. Саҥа кииҥҥэ 1000-тан тахса исписэлиис үлэлиэҕэ. Каадыры бэлэмнээһин саҕаламмыта ыраатта. Биһиги быраастарбыт өрүү тиһигин быспакка таһымнарын үрдэтинэллэр, үөрэнэллэр. 2019-2022 сыллардааҕы былаанынан үрдүк уонна орто үөрэхтэр кыһаларыгар исписэлиистэри бэлэмнииргэ тус сыаллаах 124 дуогабар түһэрсиллибитэ. Бу үлэ салгыы ыытылла туруохтаах. Саҥа Онкологическай киин үлэҕэ киирдэҕинэ уонна сөптөөх миэрэлэр ылыллалларын түмүгэр, Саха сиригэр искэн ыарыыттан өлүү лаппа кыччыаҕа диэн эрэнэбин», — диэн эппит.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…