29 саастаах кыыс уулуссаҕа каартаны булан, тус наадатыгар туһаммыт
04.12.2024, 18:45
Мария Васильева (СИА)хаартыскаҕа түһэриитэ
Бөлөххө киир:
Дьокуускайдааҕы полиция отделын дьуһуурунай чааһыгар олохтоох дьахтар баан счетуттан 18 тыһыынчаттан тахса харчытын уорбуттарын туһунан сайабылыанньа суруйбут.
Холуобунай ирдэбил үлэһиттэрэ 29 саастаах кыыһы туттулар. Бу туһунан Саха сиринээҕи ИДьМ пресс- сулууспата иһитиннэрэр.
Полицияҕа быһаарбыттарынан, эмсэҕэлээбит дьахтар баан каартатын уулуссаҕа түһэрэн кэбиспит, ону уорбаланааччы кыыс булбут уонна маҕаһыыннарга атыылаһарга туһаммыт. Мобильнай сыһыарыы нөҥүө харчы сүппүтүн бэлиэтээн баран, дьахтар суһаллык полицияҕа биллэрбит. Ол эрээри, бу бириэмэҕэ кыыс 18 тыһыынчаттан тахса солкуобайы ороскуоттаабыт. Холуобунай дьыала тэрилиннэ. Буруйданааччы алта сылга диэри көҥүлэ быһыллыан сөп.
+1
5
+1
+1
+1
+1
7
+1
1
+1
Сообщить об опечатке
Текст, который будет отправлен нашим редакторам: