https://www.sakha.gov.ru/news/front/view/id/3344873
Олунньу 15 күнүгэр Айсен Николаев “Сахатранснефтегаз” АУо 2022 сыллааҕы үлэтин түмүктэрин уонна 2023 сыллаах былааннарын ырытар мунньаҕы ыытта.
— Ааспыт сыл хампаанньаҕа “Кыһыл Сыыр-Мастаах” магистральнай гаас турбатын тутуу уонна социальнай гаастааһын көрдөрүүлэринэн ситиһиилээхтик ааспыт диэн сыаналыыбын. 2900 ыал гааска холбонор кыахтаннылар, — диэн Ил Дархан эттэ.
Ону тэҥэ, Дьокуускайдааҕы гааһы оҥорон таһаарар собуоту 2018 сыллаахха саҕаламмыт кэлим саҥардыы түмүктэммитэ биир улахан ситиһии диэн бэлиэтээтэ. Бу түмүгэр 2023 сылга ыгыллыбыт углеводороднай гааһы оҥоруу 14,5 туоннаҕа диэри улаатыаҕа уонна гаас уматыгынан да, саҥа тутууну гааска холооһуҥҥа да наадыйыыны хааччыйыаҕа.
Айсен Николаев социальнай гаастааһын бырагырааматын былаанын толорорго, “Газпрому” кытары сөбүлэһии чэрчитинэн, Соҕуруу уонна Арҕаа Саха сиригэр гаас турбатын тутууга ылсарга сорук туруорда.
“Сахатранснефтегаз” биир сүрүн соругунан «Кыһыл Сыыр-Мастаах – 84 км» магистральнай гаас турбатын тутууну салҕааһын буолар. Бу турба киин Саха сирин гааһынан хааччыйар.
2022 сылга 233 км ситим, ол иһигэр 190 км тарҕатар ситим уонна 43 км магистральнай турба тутуллубут. Бу 2022 сылы кытары тэҥнээтэххэ, 7 төгүл элбэх. Кэнники 55 сыл устата саамай улахан көрдөрүү “2021-2030 сс. социальнай гаастааһын” бырагырааматын көмөтүнэн ситиһиллибит. Бу бырагырааманан 156 км гаас ситимэ тардыллыбыт, 6003 дуогабар түһэрсиллибит, ол онтон 2877 ыалга киллэриттэр. «Сахатранснефтегаз» генеральнай дириэктэрэ Алексей Колодезников этэринэн, Саха сирэ социальнай гаастааһыҥҥа Уһук Илиҥҥэ бастакы миэстэни ыларын иһитиннэрдэ.
Быйыл хампаанньа өссө 1813 дьиэни социальнай гаастааһын бырагырааматынан холбуур былааннаах. Ону тэҥэ, 60 км гаас ситимэ, 67 тарҕатар ситим тутуллуохтара.
СӨ бырабыыталыстыбатын, Ил Дарханын пресс-сулууспатын матырыйаалынан.
Аҕа дойду сэриитигэр Улуу Кыайыы үбүлүөйдээх 80 сылын тэрээһиннэрин түмүктүүр "Уоттаах сэрии сылларыгар" кинигэ биһирэмэ…
СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов "Үтүө санаа харыйата" аахсыйаҕа кыттыыны ылла. Адаптивнай үөрэх…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Хаарчаана бэлэҕэ"…
Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…