29200 тугут төрөөтө

Тыа хаһаайыстыбатыгар таба иитиитин салаатыгар бары көрүҥнээх хаһаайыстыбаларга от ыйын 18 күнүнээҕи туругунан 186083 таба иитиллэн турар. Уопсайа 114 табаны иитэр хаһаайыстыба баар. Бу сыл кулун тутар 1 күнүнээҕи чахчынан, табаны иитэр биригээдэлэргэ 1245 киһи үлэлиир, ити иһиттэн 1010 табаһыт уонна 235 чуум үлэһитэ.

Билиҥҥи туругунан, бары ыстаадалар мэччирэҥнэригэр сылдьаллар.  Ол эрээри таба иитиитигэр адьырҕалар эмиэ хоромньуну таһаараллар. Ол курдук, бу отчуоттуур кэмҥэ Алдан, Анаабыр, Булуҥ, Усуйаана, Аллараа Халыма, Өлүөхүмэ, Эбээн Бытантай, Нерюнгри улуустарыгар 115 бөрө бултанна.

СӨ Тыа хаһаайыстыбатын уонна аска-үөлгэ бэлиитикэтин министиэристибэтин Хотугу төрүт салаа департамена иһитиннэрэринэн, 29200 тугут төрөөтө. Былырыын баччаҕа –28984 тугут. Онон эбиллии бэлиэтэнэр.