Хаартыска: Сахагов.ру
Сыл саҕаланыаҕыттан Оҕолор уонна эрдэҕэс оҕолор репродуктивнай доруобуйаларын харыстыыр киин 3000-тан тахса оҕону көрдө-иһиттэ диэн өрөспүүбүлүкэ доруобуйа харыстабылын министиэристибэтэ иһитиннэрэр.
«Бу сыл саҥатыгар Арассыыйа бэрэсидьиэнэ Владимир Путин көҕүлээбит «Дьиэ кэргэн» национальнай бырайыагын чэрчитинэн, оҕолорго анал мэдиссиинэ салаата 1-кы №-дээх өрөспүүбүлүкэтээҕи балыыһаҕа – М.Е.Николаев аатынан Мэдиссиинэ киинигэр тэриллибитэ. Балыыһаҕа оҕо гинекологиятын уонна оҕо урологиятын хайысхаларынан кэлим мэдиссиинэ көмөтүн оҥороллор», — диэн Доруобуйа харыстабылын министиэристибэтэ иһитиннэрэр.
Бу салааҕа кыра оҕолорго уонна улаатан эрэр эрдэҕэс оҕолорго сүбэ-ама биэрэр, эмтиир, диагноз туруорар уонна реабилитационнай көмөнү оҥорор үрдүк таһымнаах исписэлиистэр үлэлииллэр. Оҕо гинеколога уонна оҕо уролога-андролога бааллар. Киин өҥөтүгэр улахан ирдэбил баарын көрдөрөн, өрөспүүбүлүкэ бары улуустарыттан уонна Дьокуускай куораттан ыарыһахтар кэлэллэр.
Доруобуйа харыстабылын миниистирэ Лена Афанасьева бэлиэтээбитинэн, маннык киин тэриллиитэ оҕолорго уонна улаатан эрэр эрдэҕэс оҕолорго төрүүр-ууһуур систиэмэ кэһиллиитин кэмигэр быһаарарга уонна эмтииргэ кыах биэрэр, онон кинилэр репродуктивнай доруобуйаларын инникитин харыстыыр. Бу үлэ демографияҕа ордук суолталаах.
Киин элбэх үчүгэй сыанабылы ылбыта. Төрөппүттэр киин үлэтин суолтатын тоһоҕолоон бэлиэтииллэр, быраастар үрдүк таһымнаахтарын, хас биирдии оҕоҕо болҕомтолоох сыһыаннарын, бэрэбиэркэлииргэ, эмтэнэргэ табыгастаах усулуобуйа баарын хайгыыллар.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…