30 абитуриент үөрэххэ туттарсарга ХИФУ-га босхо бэлэмнэниэҕэ

Хотугулуу-Илиҥҥи федеральнай университет үрдүк үөрэх иннинээҕи уонна идэҕэ эрдэттэн туһаайыыга бакылтыатын бэлэмнэнии салаатыгар федеральнай бүддьүөт суотугар үөрэх Саҥа сыллааҕы бырааһынньык кэнниттэн саҕаланар. Докумуону ахсынньы 26 күнүгэр диэри туталлар.

Үрдүк үөрэх иннинээҕи уонна идэҕэ эрдэттэн туһаайыы бакылтыатын истээччилэрэ кэлэр сыл тохсунньу 16 күнүттэн от ыйын 1 күнүгэр диэри оскуола бырагырааматын хатылыахтара уонна бүддьүөт суотугар ситиһиилээхтик туттарсан үөрэххэ киирэргэ бэлэмнэниэхтэрэ. Үөрэх хайысхата киэҥ, онон араас үрдүк үөрэх салааларыгар туттарсар эксээмэни ааһарга кыаҕы биэрэр.

“Үөрэнээччилэргэ бүддьүөт суотугар уопсайга миэстэ көрүллэр уонна ыйдааҕы истипиэндьийэ төлөнөр. Быйыл Арассыыйа олохтоохторугар бүддьүөттэн көрүллэр 30 миэстэни таһынан, 25 миэстэ тас дойду дьонугар тыырыллыбыта – оҕолор бу сыл балаҕан ыйыттан куурустара саҕаламмыта”, — диэн ХИФУ үрдүк үөрэх иннинээҕи уонна идэҕэ эрдэттэн туһаайыыга бакылтыатын бэлэмнэниигэ салаатын салайааччыта Евгения Шеломова кэпсиир. Бу туһунан ХИФУ пресс-сулууспата суруйар.

Кууруска бэлэмнэнии туһунан сиһилии манна ааҕыҥ.