Хаартыска: ЯСИА
Булуҥ оройуоннааҕы суута Эдьигээн оройуонун 30 саастаах олохтооҕун РФ Холуобунай кодексатын 111-с ыстатыйатын 1-гы чааһынан буруйу оҥорбутунан буруйдааҕынан билиннэ. Бу туһунан Саха сиринээҕи Сууттар холбоһуктаах пресс-сулууспалара иһитиннэрэр.
2025 сыл кулун тутар 15 күнүгэр эр киһи доҕотторун кытта арыгылаан баран дьиэтигэр кэлбит. Кэлэн көрбүтэ, дьиэтэ ыһыллыбыт-тоҕуллубут уонна дьыбааҥҥа итирик абаҕата утуйа сытар эбит. Эр киһи итирик аймаҕын уһугуннарбытыгар, тыл-тылга киирсибиттэр. Этиһии кэмигэр иирсээн тахсыбыт. Абаҕата быраатын оҕотун охсоору гыммытын сыыһа туттубут, онуоха эдэр киһи сутуругунан утары тохтоло суох араас сиринэн охсуолаабыт. Сууттаммыт киһи сокуону кэһэр дьайыыларын түмүгэр эмсэҕэлээччи доруобуйатыгар ыар хоромньу оҥоһуллубут.
Суут мунньаҕар эр киһи буруйун толору билиммит уонна буруйу оҥорбутуттан кэмсиммит.
Суут кинини буруйдааҕынан билинэн, 3 сылга болдьоххо көҥүлүн быһарга уураахтаата. Уураах сокуоннай күүһүгэр киирэ илик.
Бүгүн, ахсынньы 10 күнүгэр, Саха сирин сорох улуустарыгар -49 кыраадыс буолара күүтүллэр диэн УГМС иһитиннэрэр.…
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин…
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…
Хата бу бэрт этии буолбут. Билигин киһиэхэ ханнык битэмиин тиийбэтин бэрэбиэркэлэтээри дьон хастыы да тыһыынчаны…
Мииринэй оройуонун суута Ленскэй оройуонун 39 саастаах олохтооҕун улахан уорууга буруйдаата. Буруйдаах киһи тралга суоппардаабыт…
Мэҥэ Хаҥалас улууһун Төҥүлү нэһилиэгин урбаанньыта Иван Иванович Борисов туһунан “Саха сирэ” хаһыат саайтын нөҥүө…