30 саастаах итирик суоппар көҥүлэ быһылынна

Дьокуускайга 30 саастаах эр киһи массыынаны итирик туруктаах ыытан, көҥүлэ быһыллар буолла. Ол туһунан СӨ Борокуратууратын пресс-сулууспата иһитиннэрэр.

Быраабы кэһээччи эрдэ итирик айаннаан сууттана сылдьыбыт. 2023 сыл муус устарыгар кэргэнин «Мицубиси-Аиртрек» массыынатын эмиэ арыгы иһэн баран ыыппыт. Кинини маннык туруктаах сылдьарын ГИБДД үлэһиттэрэ тохтоппуттар.

Суут эр киһини 2 сылга уонна 6 ыйга көҥүлүн быһарга уураахтаата. Итиэннэ массыынаны аны биэс сыл ыыппат болдьоҕу анаата. Оттон «Мицубиси-Аиртрек» массыына судаарыстыба дохуотугар конфискацияланна.