300 эдэр ыал олорор усулуобуйатын тупсарыа

Быйыл 300 эдэр ыал олорор усулуобуйатын тупсарыа.

«Хаачыстыбалаах олорор дьиэнэн хааччыйыы» СӨ судаарыстыбаннай бырагырааматын иитинэн 35-гэр диэри саастаах эдэр ыаллар дьиэ ылыналларыгар эбэтэр дьиэ тутталларыгар социальнай төлөбүр ылыахтарын сөп. Тэрээһини олоххо киллэрии иитинэн, субсидияны ыларга кыттыбыт муниципальнай тэриллиилэр куонкурустарын түмүгүнэн, 32  муниципальнай тэриллиигэ уонна икки куорат уокуругар олорор дьиэни ыларга эбэтэр туттарга субсидия үбэ-харчыта тыырылынна. Бу туһунан СӨ тутууга министиэристибэтин саайтыгар суруллар. Онно этиллибитинэн эдэр ыалларга сибидиэтэлистибэлэри туттарыы 2024 сыл кулун тутар 1  күнүгэр былааннанар.

Социальнай төлөбүрдэри олорор дьиэни тутууга, дьиэ-уот кирэдьиитин төлөөһүҥҥэ туттуохтарын сөп.