Ил Дархан, бырабыыталыстыба пресс-сулууспата.
Байыаннай дьайыы кыттыылаахтарын оҕолоро, аймахтара Өрөспүүбүлүкэтээҕи доруобуйаларыгар хааччахтаах оҕолору чөлгө түһэрэр кииҥҥэ уонна да атын реабилитационнай кииннэргэ социальнай реабилитацияны ааһыахтарын сөп. Бу туһунан социальнай тэрилтэ дириэктэрэ Зинаида Максимова от ыйын 25 күнүгэр брифинг кэмигэр иһитиннэрдэ.
Оҕолору арыаллыы сылдьар дьон, холобур, ийэлэр, эһээлэр, эбээлэр, эдьиийдэр уонна убайдар кинилэри кытта тэҥҥэ социальнай реабилитация куурустарын ааһалларын бэлиэтээтэ.
“Бүгүҥҥү күҥҥэ байыаннай дьайыы кыттыылаахтарын дьиэ кэргэттэрии 303 чилиэнэ социальнай реабилитацияны ааста. Психологтар оҕолору кытта үлэлииллэр, арт-терапия, тыйаатыр терапията уонна да атын реабилитационнай дьайыылар тэриллэллэр. Мэдиссиинэ өҥөлөрө эмиэ оҥоһуллаллар: массаас, физиотерапия уонна да атын процедуралар», — диэн Реабилитационнай киин дириэктэрэ иһитиннэрдэ.
Улахан дьоҥҥо анаан эмиэ анал бырагыраама оҥоһулунна, онно физиотерапия, илбийэн массаастааһын уонна эмтээх оттортон битэминнээх, уоскутар чэйдэр киирэллэр диэн Зинаида Максимова эбэн эттэ.
Социальнай реабилитацияны ааһар туһугар, байыаннай эпэрээссийэҕэ кыттыбыт дьон дьиэ кэргэттэрэ олорор сирдэринэн социальнай көмүскэл уорганнарыгар сибээскэ тахсаллар. Өрөспүүбүлүкэ хас биирдии улууһугар квота көрүлүннэ, ол быһыытынан социальнай управление исписэлиистэрэ көмөҕө наадыйар дьону реабилитационнай кииннэргэ ыыталлар.
Ону тэҥэ, реабилитационнай кииннэр үлэлиир улуустарыгар барыларыгар байыаннай дьайыы кыттыылаахтарын оҕолоро уонна дьиэ кэргэттэрин чилиэннэрэ социальнай реабилитацияны ааһыахтарын сөп.
Ил Дархан, бырабыыталыстыба пресс-сулууспата.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…