Хаартыска: Сахагов.ру
2025 сыл 11 ыйыгар Саха сиригэр диабетынан ыалдьар 307 хат дьахтар глюкозаны бастайааннай кэтээн көрөр систиэмэнэн хааччылынна диэн доруобуйа харыстабылын министиэристибэтэ иһитиннэрэр. Арассыыйа бэрэсидьиэнэ Владимир Путин көҕүлээһининэн ыытыллыбыт «Уһун уонна көхтөөх олох» национальнай бырайыагын чэрчитинэн, 2025 сылга бу сыалга 22 мөлүйүөнтэн тахса солкуобай көрүллүбүт.
«Бу бырагырааманы олоххо киллэрии сүрүн көдьүүһэ — эрэгийиэн географическай уратыларын учуоттаан туран, маннык систиэмэлэри туруоруу араас улуустарга ыарыһахтар туруктарын ыраахтан кэтээн көрөр кыаҕы биэрэр», — диэндоруобуйа харыстабылын миниистирэ Лена Афанасьева бэлиэтээтэ.
Оҕолонор кэмҥэ регистрацияламмыт уонна 1 уонна 2 көрүҥнээх диабеттаах, сорох түбэлтэҕэ гестационнай диабеттаах ыарахан дьахталларга глюкозаны тохтоло суох хонтуруоллуур систиэмэлэр (СНМГ) бэриллэллэр.
Саҥа технология көмөтүнэн, дьахталлар хааннарыгар саахар таһымын күнүстэри-түүннэри хонтуруоллуохтарын сөп, тарбахтарын элбэхтик, ыарыылаахтык тэһэ аспаттар. Систиэмэ диэн ыарыһах тириитигэр сыһыарыллыбыт кыра датчик. Глюкоза таһымын тохтоло суох кээмэйдиир уонна дааннайдары тута ыытар. Бу хат дьахтар доруобуйатыгар ханнык баҕарар уларыйыыларга түргэнник эппиэттииргэ, кини бэйэтин уонна төрүү илик оҕотун доруобуйатыгар кутталлаах түгэннэри сэрэтэргэ көмөлөһөр.
Бу тэрили анааһын туһунан быһаарыыны терапевтар, дьиэ кэргэн быраастара, эндокринологтар эбэтэр акушердар/гинекологтар хат дьахтар доруобуйатын туругуттан көрөн, ылыналлар.
Глюкоза кээмэйин тохтоло суох хонтуруоллуур систиэмэ саахар диабетынан ыалдьар ийэлэргэ мэдиссиинэ көмөтүн хаачыстыбатын биллэ тупсарар, доруобай оҕолор төрөөһүннэригэр көмөлөһөр уонна ыарахан патологиялар үөскүүр кутталларын кыччатар.
Сиһилии: https://www.sakha.gov.ru/news/16387
Соторутааҕыта социальнай ситиминэн Ленскэй оройуонугар Новоленинскайдааҕы итиини биэрэр электростанциятын (ТЭС) тутуутун учаастагар бетон булкаһыгын тобоҕун…
Өлүөнэ өрүскэ спецтиэхиньикэ муус анныгар түспүтүн туһунан иһитиннэрии киирбит. Бу туһунан СӨ ЫБММ телеграм-ханаала суруйар.…
Ахсынньы 3 күнэ — Арассыыйа үрдүнэн сураҕа суох сүппүт саллааттары кэриэстиир бэлиэ күн. Бүгүн Чурапчы…
Бүгүн Дьокуускайга Өймөкөөн улууһун 105 сылын чэрчитинэн Ю.А. Гагарин аатынан култуура уонна ускуустуба киинигэр күнү…
Саха санаалаах, саха тыллаах-өстөөх, үтүө үгэстэрдээх дьоно кыһарҕаннаах кырыа кыһыммытын оччолортон баччаларга диэри кыһалҕа курдук…
2026 сылга бары өттүнэн ситиһиилээх буолар туһуттан харыйаны симииргэ анаммыт күннэри фэн-шуй үөрэхтээхтэр иһитиннэрдилэр. Саҥа…