31-с оскуолаҕа алгыстаах Оһуокай

Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто оскуолатыгар бара сырыттым.

Елизавета Петровна бу оскуолаҕа өр сылларга төрүт культура учууталынан үлэлээбитэ. Оҕолору научнай конференцияларга бэлэмниир, ол түмүгүнэн кинигэ таһаарар үтүө үгэстээхтэр эбит.

Бүгүн Ийэ тыл күнүгэр бэһистэн тохсуска диэри үөрэнээччилэргэ, эбиэт кэнниттэн алгыстаах Оһуокай түһүлгэтин төрүттээтибит. Оҕолор бары сахалыы таҥастаах кэлэн кытыннылар. Үрдүкү кылаас уолаттара сахалыы чобуотук саҥаралларын таһынан үҥкүү тылын син добуочча үтүктэн үөртүлэр. Онон, Ийэ тыл күнүгэр оҕолор төрөөбүт тылларынан ыраастык саҥаралларыгар, Күндэ улуу бэйиэт эппитин курдук, төрөөбүт тылбыт көмүскэл, харысхал буоллун.

Марта Николаева