32 саастаах баахта үлэһитэ үгээрдээн өллө

Ааспыт сууккаҕа Саха сиригэр сэттэ буруйу оҥоруу буолбутун туһунан СӨ борокуратуурата иһитиннэрэр.

Дьокуускайга 53 саастаах эр киһи быһаҕынан анньыллан балыыһаҕа киирдэ. Быһылаан Красильников уулуссатыгар буолбут. Итиэннэ Ломоносов уул. баар дьиэ подъеһыттан быһыта-хайыта охсуллубут 41 саастаах эр киһини булан, балыыһаҕа аҕалбыттар.

Маны таһынан киин куоракка 24 саастаах дьахтар төбөтүн эчэтэн балыыһаҕа киллэриллибит.

Мэҥэ Хаҥаласка наркотигынан эргиммиттэрэ биллибит.

Дьокуускайга уонна Ленскэйгэ итирик туруктаах уруулга олорбут суоппардар иккистээн тутуллубуттар. Киһи өлүүлээх суол саахала бэлиэтэммэтэх.

Мииринэйгэ баар баахтабай бөһүөлэккэ 32 саастаах эр киһи өлүгүн булбуттар, массыынаҕа үгээрдээбит диэн быһаарбыттар.