Людмила Попова хаартыскаҕа түһэриитэ.
СӨ бырабыыталыстыбатын бэрэссэдээтэлин солбуйааччы Сергей Местников Ил Дархан, Бырабыыталыстыба аатыттан саха тылын, литэрэтиирэтин, култууратын учууталларын өрөспүүбүлүкэтээҕи 3-с сийиэһэ аһыллыбытынан ыраахтан-чугастан, хотуттан-соҕурууттан кэлбит учууталлары, иитээччилэри, эбии үөрэхтээһин педагогтарын эҕэрдэлээтэ.
“Бу иннинээҕи сийиэс 2022 сыллаахха ыытыллыбыта. Дэлэгээттэр, учууталлар туруорсууларынан, бу маннык түмсүү биэс сылга биирдэ буолбакка, үс сылга биирдэ ыытыллыахтаах диэн этэн, Ил Дархан Айсен Сергеевич Николаев өйөөн, быйыл үһүс төгүлүн саха тылын, литэрэтиирэтин, култууратын сийиэһин ыытабыт.
Ааспыт сийиэс сүрүн быһаарыытын олоххо киллэрии, онно үтүө, ыарахан түгэннэрэ бу бүгүн ыытыллар сийиэскэ ырытыллыахтара, инникитин сөптөөх быһаарыыны ылынар боппуруостар көрүллүөхтэрэ” – диэн эттэ.
Быйылгы сийиэскэ 32 улуустан 458 дэлэгээт кыттар.
“Икки күн устата 17 түһүлгэнэн “төгүрүк остуоллар”, санаа атастаһыылар, уопут үллэстиитэ о.д.а. тэрээһиннэр буолуоҕа. Ол түмүгүнэн сарсын киэһэ үлэбитин түмүктээн, эһиги, учууталлар эппит этиигитин сүүмэрдээн, сүрүн этиилэри илиибитигэр тутан олорор буолуохтаахпыт” – диэн Сергей Местников эбэн эттэ.
Саха тыла чөл туруктаах буоларыгар, сайдарыгар тус кылааттарын иһин үрдүк наҕараадалары туттарда.
Ньурбатааҕы ИДьМ дьуһуурунай чааһыгар дьахтар кыһыл көмүс киэргэллэрин уордарбытын туһунан иһитиннэрбит. Бу туһунан СӨ ИДьМ…
Росреестр дроннары туһанан сир учаастактаах дьону хонтуруоллуур уонна ыстарааптыыр былааннаах диэн «Коммерсант» иһитиннэрэр. «Учаастак хаһаайыттарыгар…
Бүгүн киин куоракка саха тылын уонна литэрэтиирэтин учууталларын үһүс сийиэһигэр өрөспүүбүлүкэ бары оскуолаларыттан бэрт элбэх…
Сэтинньи 16 күнүгэр Алдан куоратын Молодежнай уулуссатыгар турар элбэх кыбартыыралаах дьиэтин олохтооҕо ыаллыы олорор кыбартыыраларыттан…
Бүгүн, сэтинньи 25 күнүгэр, Саха Өрөспүүбүлүкэтигэр Олоҥхо күнэ бэлиэтэнэр. Бу күн Б.Ойуунускай аатынан Саха тыйаатыра…
Саха тылын, литэрэтиирэтин, култууратын учууталларын үһүс сийиэһигэр дакылаат биир – ол үөрэх уонна билим миниистирэ…