Бэрдьигэстээхтэр ТОС сайдыытыгар үтүө холобур буолаллар

Горнай улууһугар Бэрдьигэстээх ТОС-тары кытта үлэҕэ өрөспүүбүлүкэҕэ биир бастыҥнара.

Улууска тоҕус уопсастыбаннай түмсүү ТОС (территориянан уопсастыбаннай салайыныы) уорганын быһыытынан регистрацияланан, юридическай сирэй буолар. Нэһилиэк дьаһалталарыгар 31 регистрацияламмыт түөлбэ баар.

Анаабыр улууhун Сааскылаах нэhилиэгин баhылыга Алексей Николаев Бэрдьигэстээххэ түөлбэ үлэтин билистэ. Нэһилиэк баһылыга Алексей Аргуновы кытта бииргэ үлэлээһин тосхолун торумнаатылар. Түөлбэ салайааччылара үлэ уопутун кэпсээтилэр, үлэлэрин сырдаттылар.
Саха Өрөспүүбүлүкэтин уус-уран оҥоһуктарын маастара, Горнай улууһун норуодунай маастара Валерий Моисеевич Дьячковскай – Сиэн Харах хатыҥ мас удьурхайыттан, силиһиттэн-мутугуттан оҥоһуктарын быыстапкатын көрөн сөхтө-махтайда.
СӨ ТОС-тар ассоциацияларын салайааччыта К.М. Васильева салайааччылаах улууска түөлбэлэри кытта биир ситимнээх үлэни сайыннаран, сүбэлэрин холбоон биир хайысханы тутуһан салгыы үлэ салҕанар.

Айталина Санникова,

Бэрдьигэстээх, Горнай.