332 тыһ. солк. тимир күрүөнү сойботон барбыттар

Уоруу вахтовай бөһүөлэккэ тахсыбыт.  Ол курдук бөһүөлэк территориятыттан  240 м. уһуннаах тимир күрүө сүппүт.  Вахтовай бөһүөлэк хас да ый анараа өттүгэр атын сиргэ көһөрүллүбүт. Ол гынан баран баайдарын-дуолларын быстах кэмҥэ диэн хаалларбыттар.

Суһал-ирдиир үлэ кэмигэр холуобунай ирдэбил үлэһиттэрэ  уорууга   35  уонна  41 саастаах эр дьон кыттыгастаахтарын быһаарбыттар.

Ол курдук уоруйахтар бөһүөлэккэ ким да суоҕун билэннэр,  тимир көрүөнү массыыналарыгар тиэйэн илдьэ барбыттар.  Итиэннэ  уорбут малларын  аҥаардаһан  баран, чааһынай дьиэлэригэр туруорарга былааннаабыттар.

Билигин эр дьоҥҥо РФ Холуобунай кодексын 158 ыст. 3 чааһынан холуобунай дьыала көбүтүлүннэ диэн Ис дьыала министиэристибэтин пресс-сулууспата иһитиннэрдэ.