34 улууска, куоракка ититии ситимэ холбонно

Бүгүн  34 муниципальнай тэриллиигэ  ититии сезона саҕаланна. Сарсын, балаҕан ыйын 13 күнүгэр, Жатай нэһилиэгэр уонна Нерюнгри оройуонугар холбонуоҕа, онон өрөспүүбүлүкэ сирин-уотун барытын хабар буолар.

Олох-дьаһах, коммунальнай хаһаайыстыба уонна энэргиэтикэ министиэристибэтэ салайар хампаанньа (УК) эбэтэр ТСЖ ититиини холбуурга ирдэнэр техническэй дьаһаллары ыытыахтаахтарын санатта.

«Ититии ситимин үлэлэтии биир түгэннээх үлэ буолбатах. Ортотунан салайар хампаанньалар ититэр ситимнэри толоруулара уонна дьиэ иһинээҕи систиэмэлэри сөп түбэһиннэриилэрэ, сылааһы оҥорор ыстаансыйалар кыамталарыттан көрөн, 3-4 күнү ылыан сөп», — диэн министиэристибэҕэ быһаардылар.

Муниципальнай тэриллии Биир кэлим дьуһуурунай диспетчерскэй сулууспатыгар эрийэн, иһитиннэриини чуолкайдыаххытын сөп.

Муниципалитет олохтоммут нормативка уонна күн-дьыл усулуобуйатыгар сөп түбэһиннэрэн, ититии кэмин саҕалыырын уонна түмүктүүрүн туһунан быһаарыыны ылынар.

РФ Бырабыыталыстыбатын 6.05.2011 сыллаах 354 №-дээх уурааҕар этиллэринэн, 5 күн устата таһырдьа салгын күннээҕи орто температурата 8 кыраадыстан аллараа буолбутун кэннэ, ититии кэмэ саҕаланыахтаах.

Сиһилии: https://www.sakha.gov.ru/news/11693