«Аҕа дойдуну көмүскээччилэр» судаарыстыбаннай пуонда филиала 340 киһиэхэ көмөнү оҥордо. Байыаннай дьайыы кыттыылаахтарын доруобуйаларын чөлүгэр түһэрэргэ көмөлөстүлэр. Бу туһунан филиал салайааччытын солбуйааччы Татьяна Никифорова брифиҥҥэ кэпсээтэ.
— 340 киһи мэдиссиинэ реабилитациятын аастылар. 1400 киһиэхэ психологическай көмө оҥоһулунна. 160 киһи Москваҕа «Бэс Чагда», Дьокуускайга «Абырал, «Чэбдик» санаторийдарга эмтэннилэр. Барыта 3 тыһыынчаттан тахса киһи мэдиссиинэ боппуруостарынан биһиги пуондабытыгар кэлэ сырытта, — диэн кини кэпсээтэ.
Байыаннай дьайыы бэтэрээннэригэр диспансеризация үлэтэ ыытылла турар. Доруобуйа харыстабылын министиэристибэтэ иһитиннэрбитинэн, 519 бэтэрээн диспансеризацияны ааспыт.
Байыаннай дьайыыга эчэйии, бааһырыы, контузия, инбэлииккэ таһаарыы РФ бырабыыталыстыбатын 835 №-дээх уурааҕынан быһаарыллар, социальнай көмө оҥоһуллар. Донбаһы көмүскээччилэргэ, чааһынай байыаннай хампаанньалар үлэһиттэригэр эмиэ сыһыаннаах.
«Аҕа дойдуну көмүскээччилэр» пуонда филиала Дьокуускайга Ойуунускай уулуссатын 41/1 №-дээх дьиэтигэр баар.
Ил Дархан, бырабыыталыстыба пресс-сулууспата.
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…
Балаҕан ыйын 20 күнүгэр, Намҥа Судаарыстыбаннай филармония симфоническай оркестрын кэнсиэрэ буолуоҕа. (далее…)
Бу күннэргэ Дьокуускай куоракка Таатта улууһун баһылыга Айаал Бурцев уонна СӨ Гуманитарнай наука уонна Хотугу…