3,5 киилэ көлөппүнэни гарааһыгар уура сыппыт киһиэхэ холуобунай дьыала көбүтүлүннэ

Хаҥалас улууһугар 40 саастаах олохтоох киһи дьиэтин  гарааһыгар 3,5 киилэ  каннабиһы (көлөппүнэни) уура сытарын туттулар.

Полиция сотрудниктара суһал-ирдиир үлэ кэмигэр  сокуону кэһэн наркотигынан эргиниигэ уорбаланар Хаҥалас олохтооҕун туттулар.

Эр киһи гарааһын көрүү кэмигэр оперативниктар көлөппүнэҕэ маарынныыр олус элбэх үүнээйини  булбуттар.  Кини  кэпсээбитинэн,  олорор сириттэн чугас үүммүт үүнээйини бэйэтэ туһанаары үргээн аҕалан уурбут.

Эспэртиисэ туһааннаах үүнээйи каннабис буоларын бигэргэппит.

ИДьМ Хаҥалас оройуонунааҕы силиэдэбэтэллэрэ РФ Холуобунай кодексын 228  ыст. 2 ч. холуобунай дьыала көбүттүлэр диэн ИДьМ пресс-сулууспата иһитиннэрдэ.