35 саастаах дьахтар атын киһи каартатын туһана сылдьыбыт

Дьокуускайдааҕы полиция 4-с отделын дьуһуурунай чааһыгар эр киһи сүппүт каартатыттан 18 тыһ.солк. тахса харчытын уорбуттарын туһунан иһитиннэрбит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ Орто Халыматтан төрүттээх 35 саастаах дьахтар уорбаланарын быһаарбыттар.

Быһаарыллыбытынан, уорбаланааччы эр киһи сүтэрбит каартатын уулуссаттан булан ылбыт уонна атыыласпытын төлөөбүт. Эмсэҕэлээччи счетуттан харчытын устубуттарын көрөн, полицияҕа иһитиннэрбит. Ол да буоллар, дьахтар 18 тыһ.солк. тахса харчыны барыы охсубут.

Уоруунан холуобунай дьыала тэрилиннэ.