ЯСИА хаартыската
Уопсайа 3 578 байыаннай дьайыы кыттыылааҕар мэдиссиинэ көмөтө оҥоһулунна.
Бу туһунан СӨ доруобуйа харыстабылын министиэристибэтин нэһилиэнньэҕэ мэдиссиинэ көмөтүн оҥорууну тэрийэр Департамены салайар Дьулустан Чичахов эттэ.
—Мэдиссиинэ көмөтүн амбулаторнайынан 2 563 байыас, стационарнайынан – 1015 байыас ылбыт. 360 байыаннай сулууспалаах доруобуйатын чөлүгэр түһэриини ааспыт, — диир кини.
Ааспыт сыл муус устартан байыаннай дьайыы кыттыылаахтарыгар диспансеризация ыытыллар. Тэрээһини доруобуйа харыстабылын бастакы сүһүөх звенотун тэрилтэлэрэ нэдиэлэ алтыс күнүгэр ыыталлар. Биир күн иһигэр байыастар бары ирдэнэр чинчийиини ааһыахтарын, исписэлиистэр сүбэлэрин-амаларын ылыахтарын сөп.
Манна даҕатан эттэххэ, байыаннай дьайыы саҕаланыаҕыттан Саха сирин быраастара мэдиссиинэ көмөтүн оҥоро тиһиктээхтик бараллар. Бу үлэ СӨ Ил Дархана Айсен Николаев сорудаҕынан ыытыллар.
Ыкса сибээс олохтоммут ДНӨ Докучаевскайыгар Саха сирин быраастарын биригээдэтэ симиэнэнэн тиийэн үлэлиир. Үлэ саҕаланыаҕыттан Докучаевскайга 1 146 эпэрээссийэни оҥорбуттар. Харах быраастара — 405, хирурдар уонна травматологтар — 705 эпэрээссийэни оҥорбуттара бэлиэтэнэр.
Сиһилии https://www.sakha.gov.ru/news/6631
СӨ Ил Дарханын уонна Бырабыыталыстыбатын пресс-сулууспата
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…