355 тыһыынча киһи онлайн көрүҥүнэн бырааска суруйтарда

2025 сыл бастакы аҥаарыгар 355 тыһыынча киһи онлайн көрүҥүнэн быраастарга суруйтарда, 5 тыһыынчаттан тахса киһи бырааһы дьиэтигэр ыҥырда диэн доруобуйа харыстабылын министиэристибэтэ иһитиннэрэр. 

Эрэгийиэн олохтоохторо «Мое здоровье» судаарыстыбаннай өҥөлөр биир кэлим порталларыгар  тус кабинет нөҥүө цифровой өҥөлөрү көхтөөхтүк туһаналлар.

Саамай тарҕаммыт дьайыылар: бырааска суруйтарыы, дьиэҕэ бырааһы ыҥырыы, вакцинацияҕа суруйтарыы, поликлиникаҕа регистрацияны уларытыы уонна мэдиссиинэ докумуоннарын (ыспыраапкалары, анааһыннары, больничнайдары) туһаныы.

Сулууспаны салгыы сайыннарыы чэрчитинэн, гражданнар санааларын учуоттуур уонна доруобуйа харыстабылын систиэмэтин тупсарар мэдиссиинэ өҥөлөрүн хаачыстыбаларын сыаналыыр дьайыыны киллэрии былааннанар.

СӨ Доруобуйа харыстабылын министиэристибэтэ өрөспүүбүлүкэ хас биирдии олохтооҕо хаачыстыбалаах мэдиссиинэ көмөтүн түргэнник, чэпчэкитик уонна бириэмэни бараабакка ыларын туһугар цифровизацияҕа салгыы үлэлиэҕэ.

Өрөспүүбүлүкэ баһылыга Айсен Николаев сорудаҕынан нэһилиэнньэҕэ мэдиссиинэ көмөтүн хаачыстыбатын тупсарар сыалтан, доруобуйа харыстабылын систиэмэтигэр сыыппара технологияларын көхтөөхтүк киллэрии салҕанар. Дойду бэрэсидьиэнэ Владимир Путин көҕүлээһининэн ыытыллыбыт «Уһун уонна көхтөөх үйэлэнии» национальнай бырайыагы олоххо киллэрии чэрчитинэн, Саха сиригэр быраастары кытта онлайн суруйтарыы хас да көрүҥэ үлэлиир, ол иһигэр «Госуслуги» портал нөҥүө.

Сиһилии: https://www.sakha.gov.ru/news/8708