36 саастаах эр киһи эмп уорбут

Дьокуускайга полиция 4-с №-дээх отделыгар эмтиэкэ стойкатыттан табаары уорбуттарын туһунан фармацевтическэй хампаанньа бэрэстэбиитэлэ иһитиннэрбит. Хоромньу 2520 солк. тэҥнэспит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ Нам улууһуттан төрүттээх, эрдэ сууттана сылдьыбыт 36 саастаах киһи уорбаланарын быһаарбыттар.

Быһаарыллыбытынан, бу киһи Петр Алексеев уулуссатыгар баар эмтиэкэҕэ киирэн, фармацевт эмп ыла барарын кэтэһэн туран, стойкаттан табаары уорбут.

Уоруунан холуобунай дьыала тэрилиннэ.