36 саастаах суоппар массыынанан гаас турбатыгар тиийэн түстэ

Ааспыт өрөбүллэргэ Дьокуускайга 22 суол саахала буолбута бэлиэтэммит, онно үс киһи эмсэҕэлээбит. Бу туһунан киин куораттааҕы Госавтоинспекция иһитиннэрэр.

Балаҕан ыйын 13 күнүгэр 19 чааска Хатаска 36 саастаах суоппар Nissan Atlas массыынаны ыытан иһэн гаас турбатыгар кэлэн түспүт.

Балаҕан ыйын 14 күнүгэр 12 чааска Окружной суол уул. 102 №-дээх дьиэтин таһыгар 57 саастаах суоппар  Toyota Succeed массыынаны ыытан иһэн Toyota Vitz массыынаҕа суолу биэрбэккэ, харсыспыттар. Ол түмүгэр Toyota Vitz суоппара эмсэҕэлээбит.

Бу күн Кальвица уул. 14 № 5 куорпуһун таһыгар 27 саастаах суоппар Toyota Wish массыынаны ыытан иһэн «Toyota Premio» массыынаны кытта харсыспыт. Toyota Premio массыынаны ыытан испит 25 саастаах суоппар эмсэҕэлээбит.

Саахаллар түмүктэринэн бэрэбиэркэ ыытыллар.