Хаартыска: https://www.sakha.gov.ru/news
Сүрэх электрокардиограмматынан 9 ый устата Саха сиригэр 36 тыһ. тахса киһи туһаммыт. Быраастар этэллэринэн, “Теле-ЭКГ” сүрэх-тымыр ыарыытыттан өлүү ахсаанын аччатар.
“Теле-ЭКГ” саҥа ситимин РФ Бэрэсидьиэнин Владимир Путин көҕүлээбит “Доруобуйа харыстабыла” национальнай бырайыагынн олоххо киллэрэллэр. Билигин 27 оройуон балыыһатыгар, быраас амбулаториятыгар уонна ФАП-тарга 60 телеэлектрокардиограф туруоруллубут. Онон ыраах сытар сэлиэнньэлэр ыарыһахтара кардиограмманы оҥотторон, ханнык баҕарар быраастан түмүгү ылар кыахтаннылар.
“ТелеЭКГ” ситим ыраах нэһилиэктэр аҕам саастаах олохтоохторугар туһалыыллар. Сүрэх-тымыр киинигэр “Теле-ЭКГ” туһаныы өлүүнү аччатта. Ол курдук, 2023 сыл 9 ыйын түмүгүнэн 2022 сыллааҕар 7,2 бырыһыанынан хаан эргиирин систиэмэтин ыарыытыттан өлүү ахсаана аччытылынна. Иккиһинэн, “Теле-ЭКГ” оройуон быраастарыгар диагноһы туруорарга уонна салгыы эмтииргэ көмөлөһөр”, — диэн СӨ Доруобуйа харыстабылын министиэристибэтин штаты таһынан кардиолога Елена Кылбанова иһитиннэрдэ.
Саха сирин баһылыга Айсен Николаев өрөспүүбүлүкэҕэ хаачыстыбалаах мэдиссиинэ көмөтүн оҥоруу инфраструктурата тэриллибитин бэлиэтээтэ.
Бу ситим интэриниэттэн тутулуктаммат, суотабай сибээс ханаала туһаныллар. Онон тэйичич сытар улуустарга олус наадалаах. Уонна түргэнник эмтииргэ толору мэдиссиинэ көмөтүн Сүрэх-тымыр киинин исписэлиистэрин кытыннаран оҥорорго табыгастаах.
Арассыыйа Бэрэсидьиэнэ Владимир Путин көҕүлээбит «Доруобуйа харыстабыла» национальнай бырайыак чэрчитинэн кэнники 5 сыл устата мэдиссиинэ саҥа эбийиэктэрэ күүскэ олоххо киирдилэр, 663 мэдиссиинэ тэрилэ туруорулунна. Мэдиссиинэ көмөтүн хаачыстыбатын үрдэтэр соруктары толоруу түмүгэр Саха сиригэр дьон олоҕун уһуна 73 сааска диэри тиийдэ, бу Арассыыйа орто көрдөрүүтүттэн үрдүк.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…