Дьокуускайдааҕы өрөспүүбүлүкэтээҕи офтальмологическай балыыһа
Алдан улууһун олохтооҕо Юрий Норовяткин көһө сылдьар офтальмологтар көмөлөрүнэн көрөр кыаҕын төнүннэрдэ. Киниэхэ 37 сааһыгар катаракта диэн диагнозтаабыттар — бу сэдэх түбэлтэнэн ааҕыллар.
Эпэрээссийэни Дьокуускайдааҕы өрөспүүбүлүкэтээҕи офтальмологическай балыыһа бырааһа-офтальмохирура Екатерина Басова оҥорбутун туһунан ЯСИА иһитиннэрдэ.
«Эпэрээссийэ иннинэ хараҕым тумаҥҥа курдук этэ, дьүһүнү эрэ көрөрүм. Билигин чөлүгэр түһэриини ааһабын, чаҕылхай өҥнөргө уонна сырдыкка үөрэнэбин. Иккис харахпар эпэрээссийэлэттим, бастакыбын эмиэ Дьокуускай харах балыыһатын быраастара 2024 сыллаахха оҥорбуттара. Харахпар катаракта соһуччу 37 сааспар тахсыбыта. Бу эрдэ сааһынан ааҕыллар, онон быраастар генетиктэргэ көрдөрүнэргэ сүбэлээтилэр. Дьокуускай офтальмологтарыгар улахан махтал, биһиги быраастарбыт олус хаачыстыбалаахтык эпэрээссийэлииллэр, онон Благовещенскайга эмтэнэ барартан тохтообутум», — диэн Юрий Норовяткин кэпсээтэ.
Көһө сылдьар офтальмологтар эпэрээссийэни ырыаһах олорор улууһугар оҥордулар. Алдан улууһугар быраастар уопсайа 79 киһини эпэрээссийэлээбиттэр, онтон саамай аҕа саастаахтара 86-лаах. «Өрөспүүбүлүкэ улуустарыгар эпэрээссийэлиир офтальмологтар суохтар, онон харах балыыһатын биригээдэлэрэ ыраах, уустук суоллаах нэһилиэнньэлээх пууннарга көмө оҥоро тахсаллар. Миэдиктэр бэйэлэрин кытта наадалаах тэриллэри уонна матырыйаалларын илдьэ сылдьаллар. Бары эпэрээссийэлэр ОМС полиһынан босхо оҥоһуллаллар», – диэн Дьокуускайдааҕы өрөспүүбүлүкэтээҕи офтальмологическай балыыһа кылаабынай бырааһа Иван Луцкан бэлиэтээтэ.
Бүгүн, алтынньы 14 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…
Алтынньы 14 күнэ – Бокуруоп таҥара – кыһыҥҥы дьыл саҕаланыытын күнэ. Бу күнү өбүгэлэрбит дьыл…
Саха сиринээҕи Гидрометеосулууспа билгэтинэн, өрөспүүбүлүкэҕэ кыралаан хаардыыр, оттон хотугулуу-илин, соҕуруу улуустарга хаар түһэрэ күүтүллэр. Сиккиэр…
Арассыыйа Силиэстийэлиир кэмитиэтин салайааччы Александр Бастрыкин Дьокуускай хаарбах дьиэлэргэ олохтоох дьонун үҥсүүлэринэн, кинилэр бырааптарын кэһии…
Бүгүн, алтынньы 13 күнүгэр, Хатас сэлиэнньэтигэр Охлопковтар дьиэ кэргэҥҥэ гаас холбонон, үөрүүлээх түгэн буолла. Бу…
Дьокуускайга полицейскайдар 5 саастаах оҕотун дьиэтигэр таһыттан хатаан баран барбыт ийэни эппиэтинэскэ тардыбыттарын туһунан ИДьМ…