39 омук киһитин пропискалаабыт

ИДьМ Дьокуускайдааҕы 2 №-дээх отделын  холбоһуктаах былааннаммыт бэрэбиэркэтин кэмигэр, миграционнай сокуону кэһии түбэлтэтэ бэлиэтэммит.

Полицейскайдар быһаарбыттарынан,  2024  сыл тохсунньутуттан саҕалаан  2025 сыл кулун тутарыгар диэри, 48 саастаах  эр киһи Строд уулуссаҕа баар дьиэтигэр 39 миграны  пропискалаабыт. Ол эрээри эр киһи туһааннаах омук гражданнарын дьиэтигэр олордор былаана суох эбит.

Уорбаланааччы  мессенджерга баар бөлөхтөргө дьону пропискалыырын туһунан биллэрии ыытар уонна өҥө оҥорбутун иһин миграннартан  2 — 5 тыһ. солк.  ылар эбит. Ылбыт харчытын дьиэтин тутууга ыытар былааннааҕын полицейскайдарга кэпсээбит.

Билигин эр киһиэхэ РФ Холуобунай кодексын 322.3 ыстатыйатынан холуобунай дьыала тэриллибитин туһунан ИДьМ пресс-сулууспата иһитиннэрдэ.