Салгыы
4 оройуон олохтоохторугар клещ энцефалитыттан быһыылары биэриэхтэрэ

4 оройуон олохтоохторугар клещ энцефалитыттан быһыылары биэриэхтэрэ

02.03.2023, 12:58
Хаартыска: СИА.
Бөлөххө киир:

Саха сиригэр түөрт оройуоҥҥа клещ энцефалита диэн вируснай ыарыы элбиир куттала баар. Онон Алдан, Нерюнгри, Ленскэй уонна Өлүөхүмэ оройуоннарын олохтоохторугар клещ энцефалитын утары быһыы биэриэхтэрэ. Бу туһунан “Роспотребнадзор” управлениетын салайааччы Маргарита Игнатьева иһитиннэрдэ диэн СИА суруйар.

Кылаабынай санитарнай быраас уурааҕынан уонна “Роспотребнадзор” чумааны утары институтун ирдэбилинэн, өрөспүүбүлүкэҕэ түөрт эндемичнэй оройуон баар буолла. Онон бырабыыталыстыба уонна муниципальнай тэриллиилэр дьаһалталара сэрэтэр үлэҕэ эбии үбү көрүөхтэрин наада. Урут биһиги энцефалиты утары быһыыны кутталлаах сиргэ үлэлиир ойуур үлэһиттэригэр, баһаарынайдарга, уо.д.а. биэрэр этибит. Билигин бу оройуоннар нэһилиэнньэлэрэ бары ылыахтарын сөп, — диэн Маргарита Игнатьева иһитиннэрдэ.

Кини этэринэн, 10 сыллааҕыта клещ дьону ытырар түбэлтэлэрэ Соҕурууҥу Саха сиригэр эрэ биирдиилээн тахсар буоллахтарына, билигин клещ 18 улууска тарҕаммыта бэлиэтэнэр. Ол иһигэр Дьокуускайга эмиэ ытырбыт түбэлтэлэр бааллар.

Клещ энцефалита диэн ыарыы кутталлаах, киһи ньиэрбинэй систиэмэтин сиир. Онон киһи инбэлиит буолуон, эбэтэр, өлүөн да сөп.

Хаартыска: СИА.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
30 марта
  • -16°C
  • Ощущается: -23°Влажность: 51% Скорость ветра: 3 м/с

Сообщить об опечатке

Текст, который будет отправлен нашим редакторам: