4-с оптуобус суоппарын хайҕаатылар

Дьокуускай куоракка оптуобустар үлэлэригэр кыралаан хамсааһыннар тахсан эрэллэр.

Бүгүн Залог оройуонунан сылдьар 4-с нүөмэрдээх оптуобус суоппарын пассажирдар хайҕаатылар. Ол курдук, бу оптуобус суоппара массыынатын иһигэр дорожканы тэлгээбит, хамсаабат гына туттарбыт. “Халтарааҥҥа, хаарга абыраллаах буолсу”, — дэстилэр айанньыттар.

Маны тэҥэ Саҥа дьылы көрсө дьон санаатын көтөҕөн, кырачаан харыйаны туруорбут. Онон хара сарсыардаттан сэргэх күн саҕаланна.