4 тыһыынча сыл анараа өттүгэр олорбут буойун хайдах дьүһүннээҕин көрдөрдүлэр

ХИФУ Археологияҕа уонна этнографияҕа түмэлигэр ураты эспэнээт баар – хойукку неолит кэмигэр 4 тыһыынча сыл анараа өттүгэр Саха сиригэр олорбут эр киһи-буойун уҥуоҕа.

ХИФУ уонна Н.Н. Миклухо-Маклай аатынан РНА Этнологияҕа уонна антропологияҕа институтун учуонайдара  3D-сыыппаралааһыны уонна антропологическай матырыйааллары, археологическай булумньулары моделлааһыны туттан, бу киһи тас көрүҥүн тилиннэрэн көрбүттэрэ.

Билиһиннэрии киһини барытын сөхтөрбүтэ. Саалаттан: “Хайа, саха дии!” – диэн хаһыы кытта иһиллибитэ.  Дьиҥэр, бу аныгы дьүкээгирдэр өбүгэлэригэр чугас арктическай раса буойуна буолар, диэн иһитиннэрбитэ «SD Новости Якутии » тг-ханаала.