Хаартыска: sakha.gov.ru
Саха сиригэр 4050 анал байыаннай дьайыы кыттыылааҕар мэдиссиинэ көмөтө оҥоһулунна. Бу туһунан алтынньы 20 күнүгэр буолбут брифиҥҥэ СӨ Доруобуйаҕа харыстабылын министиэристибэтин Нэһилиэнньэҕэ мэдиссиинэ көмөтүн тэрийии департаменын салайааччыта Дьулустаан Чичахов иһитиннэрдэ, диэн www.sakha.gov.ru суруйар.
«Бүгүҥҥү күҥҥэ 2 856 байыаннай сулууспалаахха амбулаторнай, 1 194 киһиэхэ стационарнай көмө оҥоһулунна. Рреабилитацияны 394 байыаннай дьайыы кыттыылааҕа ааста. Психотерапевтическай уонна психиатрическай көмө 823 байыаннай дьайыы кыттыылааҕар оҥоһулунна. Ону таһынан, былырыын муус устар ыйтан байыаннай дьайыы кыттыылаахтарын диспансеризациялааһын тэрилиннэ. Бүгүҥҥү күҥҥэ уопсайа 614 кыттыылаах байыаннай дьайыы бэтэрээннэрэ сэрэтэр-профилактическай дьаһаллары аастылар», – диэн Дьулустаан Чичахов бэлиэтээтэ.
Кини иһитиннэрбитинэн, «Аҕа дойду буойуннарын дьиэ кэргэттэрин кэмитиэтэ» тэрийбит «КСВО. Психологу кытта кэпсэтии» диэн байыаннай дьайыы кыттыылаахтарын уонна кинилэр дьиэ кэргэттэрин мэдиссиинискэй-психологическай өйөөһүҥҥэ биир кэлим федеральнай чаатын психологтара дойду араас эрэгийиэннэриттэн 823 киһиэхэ сүбэ-ама биэрдилэр. Доруобуйа харыстабылын министиэристибэтин Нэһилиэнньэҕэ мэдиссиинэ көмөтүн тэрийии департаменын салайааччытын дааннайынан, Донецкай Народнай Өрөспүүбүлүкэтин Докучаевскай куоратыгар саха миэдитэрин үлэтэ салҕанар. Быраастар куораттааҕы балыыһаҕа үлэлээбит кэмнэригэр уопсайа 1276 эпэрээссийэ оҥоһулунна. Билигин Докучаевскайга быраас-хирург уонна быраас-анестезиолог-реаниматолог үлэлииллэр.
Билигин Саха сиригэр өрүстэр уонна күөллэр муустара ситэ тура илик, онон мууска сатыы да, тырааныспарынан…
Бүгүн Горнай улууһа бэлиэ түгэни – улуус олохтооҕо, тыыл уонна үлэ бэтэрээнэ Мария Григорьевна Тарасова…
Ааспыт нэдиэлэ устата Саха сиринээҕи Росгвардия подразделениелара харабылланар эбийиэктэртэн киирбит 152 иһитиннэриинэн тахсыбыттар, ол түмүгэр…
Сэтинньигэ биэнсийэни төлүүр кыраапык Норуот сомоҕолоһуутун күнүгэр анаммыт бырааһынньыктарынан сибээстээн уларытыллыаҕа. Ый саҕаланыытыгар кэлиэхтээх төлөбүрдэр…
Ааспыт нэдиэлэҕэ түөкүттэр угаайыларыгар биэс Саха сирин олохтооҕо киирэн биэрбит. Хоромньу уопсай суумата 39 708…
Саха омугар кыһын саҕаланыыта – идэһэ кэмэ. Бу улахан суолталаах, дьиэ кэргэни түмэр үгэс. Саҥа…