Ил Дархан, бырабыыталыстыба пресс-сулууспата.
2030 сылга диэри 4 тыһыынчаттан тахса кинигэ уонна докумуон, ол эбэтэр 80%-на реставрацияланан оҥоһуллуоҕа диэн бырабыыталыстыба бэрэссэдээтэлэ Кирилл Бычков эттэ. Кини консервация уонна реставрация эрэгийиэннээҕи киинин аһыллыытыгар сыһыаннаах пресс-кэмпириэнсийэҕэ кытынна.
— Национальнай бибилэтиэкэҕэ консервация уонна реставрация эрэгийиэннээҕи киинин аһыллыыта өрөспүүбүлүкэ култуура уонна үөрэҕирии эйгэлэригэр улахан суолталаах. Манна устуоруйаҕа, култуураҕа, наукаҕа улахан суолталаах докумуоннары, кинигэлэри тиһиктээхтик сөргүтүөхтэрэ, чөлүгэр түһэриэхтэрэ уонна кичэллээхтик харайыахтара. Онон хотугу норуоттар тылларын, үгэстэрин, култуураларын кэлэр көлүөнэлэргэ харайан хаалларыахпыт, — диэн кини эттэ.
Бу кииҥҥэ 8 анал идэлээх исписэлиис үлэлиир. Кинигэни чөлүгэр түһэрэр кыахтаах 82 анал тиэхиникэ кэлбитэ. 2030 сылга диэри Арассыыйатааҕы судаарыстыбаннай бибилэтиэкэҕэ үлэһиттэр сыл аайы баран үөрэниэхтэрэ.
СӨ бибилэтиэкэлэрин пуондатыгар билигин 10 мөлүйүөнтэн тахса докумуон хараллар, ол онтон 30,9 %-нара чөлүгэр түһэриигэ наадыйаллар. 4 тыһыынча кэриҥэ сыаналаах докумуоннар, ол иһигэр букатын сэдэх кинигэлэр бааллара биллэр.
Ол курдук, бастакынан «Тексты православных молитв и богослужений» диэн XVIII үйэтээҕи былыргы славянскай тылынан суруллубут кинигэни чөлүгэр түһэрдилэр. «Сырдык» диэн «Саха ыччата» куруһуок чилиэннэрэ илиинэн суруйбут сурунаалларыгар (эрэдээктэр Асклипиодот Рязанскай) анал харайар хоруопканы кислотата суох хортуонтан оҥордулар.
Чөлүгэр түһэриини сэргэ, 7 тыһыынчаттан тахса докумуону дезинфекциялыахтара, 10 тыһыынчаттан тахса кинигэни саҥаттан тастыахтара. Бу кииҥҥэ реставрационнай мастарыскыайдар, тастыыр сыах, консервация учаастага, лаборатория, үөрэтэр кылаас бааллар.
2023 сыллаахха Национальнай бибилэтиэкэ СӨ култуураҕа, духуобунай сайдыыга министиэристибэтин өйөбүлүнэн, Бүтүн Арассыыйатааҕы бибилэтиэкэ пуондаларын туругун чинчийии икки түһүмэҕин ааһан, федеральнай куонкуруска кыайан, маннык киин аһылларыгар суол аһыллыбыта.
Ил Дархан, бырабыыталыстыба пресс-сулууспата.
Саха төрүт аһа. Көбүөрдээх лэппиэскэни сөбүлүүгүт дуо? Оттон сыаҕа буспут лэппиэскэни амсайбыккыт дуу? Маныаха Е.Ф.Кузьмина "Саха…
Үс сыллааҕы өрөспүүбүлүкэ судаарыстыбаннай бүддьүөтүн торумнааһыҥҥа Саха сирин Бырабыыталыстыбата тутаах хайысхаларга гражданнары социальнай өйөөһүнү үбүлээһин…
Саха Өрөспүүбүлүкэтигэр туристическай инфраструктураны сайыннарыыга биир кэлим субсидияны биэриигэ сүүмэрдииллэр. Бу дойду Бэрэсидьиэнэ Владимир Путин…
Ил Түмэҥҥэ “2026 сылга, 2027 уонна 2028 сыллардааҕы былааннаммыт кэмҥэ Саха Өрөспүүбүлүкэтин судаарыстыбаннай бүддьүөтүн туһунан”…
Степан Саргыдаев, Чурапчы улууһун баһылыга: --Чурапчы нэһилиэгин баһылыгыттан саҕалаан улуус баһылыгынан талыллан баһылыктыы уонна өрөспүүбүлүкэ…
Саха сиригэр бу бырайыак иитинэн өрөспүүбүлүкэ 1049 олохтооҕо үөрэнэр. --Өрөспүүбүлүкэ олохтоохторун үөрэтии 82 бырагырааманан тэрилиннэ.…