Аҕа дойдуну көмүскээччилэр. СИА.
Саха сиригэр байыаннай дьайыы кыттыылаахтарын дьиэ кэргэттэрин өйүүр бырагыраама кэҥиир, эбии оҥоһуллар. Кинилэр кэргэттэрэ уонна оҕолоро Доруобуйаларыгар хааччахтаах оҕолору чөлгө түһэрэр өрөспүүбүлүкэтээҕи киин уонна улуустарга баар реабилитационнай кииннэргэ анал бырагырааманан эмтэниэхтэрэ, сынньаныахтара. Бу туһунан үлэ, социальнай сайдыы миниистирэ Елена Волкова брифиҥҥэ иһитиннэрдэ.
— Бу маннык бырагыраамалар олунньуттан саҕаланыахтара. Сайабылыанньалары социальнай көмүскэл управлениеларын нөҥүө ылыахпыт. Министиэристибэ улуустарга баар реабилитационнай кииннэргэ араас көрүҥнээх социальнай өҥөнү оҥорор туһунан кэпсэтиини ыыта сылдьар. Ону тэҥэ, Ил Дархан сорудаҕынан, анал байыаннай дьайыы кыттыылаахтара эмтэнэллэригэр, доруобуйаларын чөлүгэр түһэрэллэригэр көмөлөһөр кэлим систиэмэ үлэлиир. Манна быраастар, психологтар кэлимник үлэлииллэр.
Ааспыт сылтан анал байыаннай дьайыы кыттыылаахтара Өрөспүүбүлүкэтээҕи инбэлииттэр кэлим реабилитацияларын киинин базатыгар киирэн эмтэнэллэр, массааска, физиопроцедураларга сылдьаллар. Билиҥҥитэ байыаннай дьайыы 40-ча кыттыылааҕа социальнай реабилитацияны аастылар, —— диэн Елена Волкова кэпсээтэ.
Социальнай реабилитацияҕа психолог өҥөтө, үлэ булалларыгар, саҥа идэ ылалларыгар көмө киирэр. Дьарыктаах буолуу киинин, Адаптивнай физкултуура, спорт киинин кытары сөбүлэһии түһэрсиллибитэ. Онон спортивнай комплекстарга, бассейннарга сылдьар кыахтаннылар.
Өрөспүүбүлүкэтээҕи инбэлииттэр кэлим реабилитацияларын киинин өҥөлөрүнэн байыаннай сулууспалаахтар төрөппүттэрэ эмиэ туһанар кыахтаахтар.
СӨ Дьокуускай куорат суутугар РФ ХК 111-с ыстатыйатын 1-кы чааһынан (соруйан ыар буортуну оҥоруу) көрүллүбүт…
Суукка быһаарыллыбытынан, буруйдаммыт киһи итирик туруктаах сылдьан массыынаны ыыппыта биллибит. Онон, РФ ХК 264.1 ыст.…
Госдуумаҕа адаптивнай больничнай туһунан сокуон бырайыагын киллэрээри гыналлар, оччоҕо үлэһит ыалдьа олорон үлэлиир кыахтанар, хамнаһыгар…
Бэйэлэрин тула дьону түмэр, хамсатар, уопсастыбаннай үлэнэн дьарыктанан, тулалыыр эйгэлэрин тупсарар дьон баар буолаллар. Эдэр…
Байыаннай дьайыы саҕаланыаҕыттан Саха сирин олохтоохторо ким-туох кыахтааҕынан көмөлөһө олороллор. Бу барыта үтүө санаалаах дьон…
Билигин маҕаһыынтан эрэ буолбакка, оннооҕор эмтиэкэттэн табаары уораллар эбит. Дьокуускай куоракка полицейскайдар эмтиэкэттэн табаары уорбут …