40 омук киһитин пропискалаабыт

ИДьМ 2 №-дээх полициятын учаастактааҕы боломуочунайдара  Дьокуускайга омук гражданнарын учуокка туруорууга сокуону кэһии тахсыбыт чахчыларын быһаардылар.

ИДьМ пресс-сулууспата иһитиннэрэринэн, Дьокуускай куорат 40 саастаах олохтооҕо элбэх үбү-харчыны ылаары,  Речниктар уулуссаларыгар баар бас билэр дьиэтигэр  40   омук гражданнарын пропискалаабыт. Хас биирдии киһиттэн 8-15 тыһ. солк. ылбыт.  Бу учуокка туруорбут дьонтон биирдэрэ даҕаны докумуонугар суруллубут аадырыһыгар олорботоҕо быһаарылынна.

Билигин эр киһиэхэ «Фиктивная постановка на учет иностранного гражданина или лица без гражданства по месту пребывания в Российской Федерации» 322.3 ыст. холуобунай дьыала көбүтүлүннэ.