400-тэн тахса байыас төрөппүтэ санаторийга, куруорка эмтэннэ

Саха сиригэр байыастарга уонна кинилэр дьиэ кэргэттэригэр аадырыстаах көмөнү оҥоруу салҕанар.

Бүгүҥҥү иһитиннэриинэн, байыаннай сулууспалаахтар төрөппүттэрэ, уопсайа 448 киһи санаторийга, куруорка эмтэнэргэ көмөнөн туһаммыт. Бу туһунан СӨ Бырабыыталыстыбатын Бэрэссэдээтэлин солбуйааччы Георгий Степанов иһитиннэрдэ.

Вице-премьер этэринэн, балаҕан ыйын 30 күнүнээҕи туругунан, өрөспүүбүлүкэҕэ 141 ыал дьиэтин гаастааһыҥҥа материальнай көмө оҥоһуллубут, 340 киһиэхэ байыас эмтэнэр сиригэр барарга көмө бэриллибит.

байыаннай дьайыы 847 кыттыылааҕа уонна кинилэр дьиэ кэргэттэрин 1514 чилиэнэ доруобуйа хапрыстабылын уонна социальнай хааччыйыы тэрилтэлэригэр доруобуйаларын чэбдигирдиммиттэр түһэриммиттэр.

Георгий Степанов өрөспүүбүлүкэҕэ байыаннай сулууспалаахтар олорор сирдэриттэн тутулуга суох, оҕолорго оҥоһуллар өйөбүл миэрэлэрин бэлиэтиир. Олор ортолоругар уһуйааҥҥа төлөбүртэн босхолооһун, босхо аһылыгынан хааччыйыы, куруһуоктарга сылдьыы, успуорт сиэксийэлэригэр бастакынан ылыы уо.д.а. Ону сэргэ, өйөбүл миэрэлэрин ортолоругар тус сыаллаах үөрэххэ дуогабар түһэрсиитэ уонна үрдүк, орто анал үөрэх кыһаларыгар истипиэндьийэни олохтооһун, өрөспүүбүлүкэ сиригэр-уотугар 6-18 саастаах оҕолорго сынньалаҥы тэрийиигэ путевканы биэрии, уо.д.а. киирэллэр.

СӨ Ил Дарханын уонна Бырабыыталыстыбатын пресс-сулууспата