Хаартыска - Андрей Сорокин.
От ыйын 1 күнүгэр диэри Саха сиригэр 43 тирэх нэһилиэнньэлээх пуун социальнай-экэнэмиичэскэй сайдыыларын биир кэлим былаана оҥоһуллуоҕа.
Бу туһунан өрөспүүбүлүкэ Аҕа баһылыга Айсен Николаев бырабыыталыстыба уонна дьаһалта салалтатын кытта былаанныыр мунньахха тоһоҕолоон эттэ. Былаан Арассыыйа бэрэсидьиэнэ Владимир Путин көҕүлээһининэн ыытыллар «Олох инфраструктурата» национальнай бырайыагынан олоххо киириэхтэрэ.
Арассыыйаҕа тирэх нэһилиэнньэлээх пууннар биир кэлим испииһэктэригэр 2160 нэһилиэнньэлээх пуун, ол иһигэр 43 – Саха сириттэн киирбиттэрэ. Ол курдук, Дьокуускай куорат эрэгийиэн киин куоратын быһыытынан, Нерюнгри куорат, Уус-Куйга, Тиксии, Аллараа Бэстээх бөһүөлэктэрэ уонна Найба нэһилиэгэ, оройуоннар кииннэрэ уонна муниципальнай тэриллиилэргэ улахан нэһилиэнньэлээх пууннар испииһэккэ бааллар.
Бырагыраама өрөспүүбүлүкэ үрдүнэн 16 хайысханы хабыаҕа: дьиэнэн хааччыйыы, хаарбах дьиэлэри көһөрүү, хомунаалынай өҥө хаачыстыбатын тупсарыы, уулусса уонна суол ситимин уонна уопсастыбаннай тырааныспар туругун тупсарыы, тырааныспар сибээһин үрдэтии, социальнай инфраструктураны тутуу, сири-уоту тупсарыы, гааһы холбооһун, интэриниэккэ киириини хааччыйыы уо.д.а.
Сүрүн нэһилиэнньэлээх пууннары сайыннарыыга инфраструктура бүддьүөтүн уонна анал казначейство кирэдьииттэрин солбуйар инфраструктурнай облигация, казначейство инфраструктурнай кирэдьиитэ, ону тэҥэ бүддьүөт кирэдьииттэригэр эрэгийиэннээҕи иэһи сотор механизм көрүллэр.
«2030 сылга диэри сүрүн нэһилиэнньэлээх пууннарга нэһилиэнньэ олоҕун хаачыстыбата дьиэ-уот пуондатын уонна инженернэй инфраструктураны саҥардыы, сири-уоту тупсарыы, тырааныспар табыгастаах буолуутун, уулуссалары уонна социальнай эбийиэктэри стандартка таһаарыы түмүгэр 2019 сылы кытта тэҥнээтэххэ, 30% үрдүөхтээх», — диэн Айсен Николаев бэлиэтээтэ.
Нэдиэлэ аайы ыытыллар мунньахха атын федеральнай быһаарыылар уонна сокуону таһаарар көҕүлээһиннэр олоххо киирэллэрин туһунан эмиэ тохтоото. Олор истэригэр сокуоннай саастарын туола илик оҕолорго энергетическэй утахтары атыылааһын иһин ыстараап киллэрэр туһунан сокуоҥҥа илии баттааһын, ону тэҥэ ийэ хапытаалыгар сайабылыанньаны көрөр болдьоҕу 10 күнтэн 5 күнгэ диэри кыччатыы. Эрэгийиэн баһылыга өрөспүүбүлүкэҕэ саҥа дьаһаллар олоххо киирэллэрин кытаанахтык кэтээн көрөргө сорудахтаата.
Сиһилии — https://www.sakha.gov.ru/news/6604 сигэҕэ
Бэс ыйын 7-8 күннэригэр Монголияҕа ыытыллыбыт Эйэ ыһыаҕар 300-тэн тахса киһи кытынна. Бу туһунан бүгүн…
2020 сыллаахха талыллыбыт баһылыктар уонна дьокутааттар үлэлиир болдьохторо бүппүтүнэн быйыл элбэх нэһилиэнньэлээх пууҥҥа араас таһымнаах…
Бары да кыратык оҕо курдук буолан ылар буоллахпыт. Көрүҥ эрэ, бу "Өлүөнэ очуостара" национальнай пааркаҕа…
Соторутааҕыта бэс ыйын 10-11 күннэригэр Ил Түмэн XIII (уочараттаах) пленарнай мунньаҕа буолан ааспыта. Бэбиэскэҕэ барыта…
Дьокуускайга харчыны күһэйэн туран ылыы түбэлтэтигэр холуобунай дьыала тэрилиннэ. Дьокуускай куорат олохтооҕо күһэйэн туран харчыны…
Уопсайа 3 578 байыаннай дьайыы кыттыылааҕар мэдиссиинэ көмөтө оҥоһулунна. Бу туһунан СӨ доруобуйа харыстабылын министиэристибэтин…