Хаартыска: sakha.gov.ru ылылынна
Саха сиригэр хаарбах, саахалланар туруктаах дьиэттэн дьону көһөрүү бырагырааматын иитинэн, 2019 — 2024 сылларга барыта 45,92 тыһ. киһи уопсайа 887,66 тыһ. кв.м. иэннээх хаарбах туруктаах дьиэттэн көһөрүллүбүт.
Ил Дархан Айсен Николаев Судаарыстыбаннай Мунньахха (Ил Түмэҥҥэ) Анал туһаайыытыгар, хаарбах туруктаах дьиэлэртэн дьону көһөрүү дойдуга саамай улахан бырайыага Саха сиригэр тиһиктээхтик ыытылларын эппитэ.
«2025 сыл бүтүөр диэри 48 тыһ. тахса киһи көһөрө былааннанар. Өссө 11 тыһ.киһи «Инфраструктура для жизни» национальнай бырайыак чэрчитинэн саҥа дьиэнэн хааччыллыахтаах«, — диэн этэр Ил Дархан.
Ону таһынан, Дьокуускайга 900 тыһ.кв.м. иэннээх олорор дьиэни тутууга сири-уоту кэлимник сайыннарыынан, аҕыс бырайыагы олоххо киллэрии саҕаланыа. Саҥардан, тупсаран оҥорууга 194 хаарбах туруктаах дьиэ киирэр. Олорор усулуобуйатын эрэгийиэн киин куоратын үс тыһыынчаттан тахса олохтооҕо тупсарар кыахтаныан сөп.
«Сири-уоту кэлимник сайыннарыы мэхэньиисимин туһаныынан, Дьокуускайга эргэ түөлбэлэри саҥардан, тупсаран оҥоруу кыһалҕата быһаарыллыаҕа. Ол курдук, 194 хаарбах, саахалланар туруктаах дьиэни көтүрүүнэн бырайыагы олоххо киллэрии саҕаланыа. Үс тыһ. тахса дьиэ кэргэн олорор усулуобуйатын тупсарыа. Маныаха Дьокуускай куорат дьаһалтатыгар хаарбах дьиэлэртэн дьону көһөрүүгэ уонна суутунан быһаарыы тардыллыытыгар бытаарыыга болҕомто ууруллар. Бу дьиэни-уоту уонна социальнай эбийиэктэри тутуу болдьоҕор бэрдэ суохтук дьайар. Бу боппуруостары тэтимнээхтик быһаара охсоргутугар көрдөһөбүн», — диэн Ил Дархан Айсен Николаев Ил Түмэҥҥэ туһаайыытыгар этэн турар.
Бу 2а, 2б, 2г, 4а, 4б, 4в, 17 түөлбэлэри хабар «Спортивнай» микрооройуону кэлимник сайыннарыы туһунан этиллэр. Маны сэргэ, бырайыактар ахсааннарыгар — 31, 53, 85 түөлбэлэр (хас биирдиилэрэ тус-туһунан), Речпорт сиригэр-уотугар «Ленские высоты» бырайыак, аэропуорт, Кырдьаҕас куорат — 2 (55 уонна 55 А түөлбэлэр), Гериатрия (ИЖС) киирэллэр.
Санатар буоллахха, 2024 сылга Саха сиригэр барыта 750 кв.м. иэннээх олорор дьиэ тутуллан киирбитэ, ол иһигэр 329 тыһ.кв.м. элбэх кыбартыыралаах дьиэлэр (МКД) уонна 421 тыһ.кв.м. ИЖС. Тэҥнээн көрөр буоллахха, 2023 с. өрөспүүбүлүкэҕэ уопсайа 705 тыһ.кв.м. иэннээх олорор дьиэ тутуллубут, бу 2022 сылы кытары тэҥниир буоллахха 120 тыһ. улахан.
СӨ Ил Дарханын уонна Бырабыыталыстыбатын пресс-сулууспата
Сарсыҥҥыттан академик В.П. Ларионов аатынан өрөспүүбүлүкэтээҕи “Инникигэ хардыы” билим кэмпириэнсийэ-эдэр чинчийээччилэр куонкурустара саҕаланар. Барыта 1600-тэн…
Дойду баһылыга Владимир Путин көҕүлээбит "Култуура" национальнай бырайыагынан Сунтаар улууһун Кириэстээҕэр Култуура дьиэтэ уонна Мэҥэ…
Дойду Аҕа баһылыга Владимир Путин көҕүлээбит «Дьоҕус уонна орто урбаан» национальнай бырайыак иһинэн үлэлиир «Акселерация…
Байыаннай дьайыыга сылдьар биир дойдулаахтарбытыгар, госпиталларга сытар байыастарга көмөнү ыытыы бырааһынньык да күннэргэ тохтообот. -…
Уһуктаах тарбахтаах киһи, сүнньүнэн, сайдыбыт куттаах-сүрдээх, айар дьоҕурдаах. Төгүрүк тарбахтаах киһи – дьыалабыай, эргиэмсик, практик.…
БИҺИЛЭХ КӨРҮҮТЭ Биһилэх көрүүтэ эмиэ сүллүкүүн тахсыбыт кэмигэр буолар. Маны көрөргө уу-чуумпуга хас эмэ киһиэхэ…