46 саастаах киһи массыынатыттан арыгы атыылаабыт

ИДьМ 2-с нүөмэрдээх полиция салаатын боломуочуйалаах участковайдара “Стоп-алкоголь” суһал-сэрэтэр тэрээһин иитинэн Дьокуускай куорат Киров уулуссатыгар турар дьиэ аттыгар суокуоннайа суох арыгы атыылыыр киһини туппуттар.

46 саастаах Киргизияттан төрүттээх киһи “Тойота Аллион” массыынатынан арыгы атыылыырын быһаарбыттар. Массыынаҕа баар итирдэр утаҕы былдьаабыттар. Кини этэринэн, атыылаһааччыларын интэриниэтинэн булар эбит.

Сокуону кэһээччигэ 30-50 тыһ. солк. диэри кээмэйдээх ыстаараптаах уонна арыгы, испиирдээх бородууксуйаны тутан ылар наккаастабыллаах, РФ административнай быраабын кэһии кодексын 14.17.1  ыст. 1 ч. административнай боротокуолу толорбуттар. Ити туһунан ИДьМ Дьокуускайдааҕы пресс-сулууспата иһитиннэрэр.