Хаартыска: Сахагов.ру
СӨ Олох-дьаһах, хомунаалынай хаһаайыстыба уонна энэргиэтикэ миниистирэ Вячеслав Емельянов «Актуальное интервью» биэриигэ кыһыҥҥы кэм биир сүрүн соругунан Арктикаҕа уонна уустук суоллаах ыраах сытар сирдэргэ оттук уонна энэргиэтикэ ресурсаларын кэмигэр тиэрдии буоларын эттэ.
2025 сыллааҕы навигация сезонугар 470 тыһыынча туонна кэриҥэ уматык тиэрдилиннэ. Билигин, 576 тыһыынча туонна кэриҥэ уматык уонна энэргиэтикэ ресурсалара кыһыҥҥы суолларынан быһаччы тиэрдиллиэхтээхтэр.
«Манна, биллэн турар, чох, ньиэп, айылҕа гааһын конденсата уонна дизельнэй оттук киирэллэр. Кэлэр нэдиэлэҕэ уматыгы тиэрдии актыыбынай түһүмэҕэ саҕаланар, тиэйээччилэри кытта дуогабар түһэрсиигэ сыһыаннаах үлэ түмүктэнэн эрэр. 2025 сыллааҕы навигация сезоҥнугар былаан кээмэйиттэн үс гыммыт иккитэ мунньуллубут. Бу сорудаҕы толоруохпут, мэһэйдэр суох буолуохтара диэн эрэллээхпин. Маны министиэристибэ уонна бырабыыталыстыба эрэ буолбакка, бэрээдэктиир уонна хонтуруоллуур уорганнар эмиэ кытаанахтык кэтээн көрөллөр», — диэн тоһоҕолоото.
Вячеслав Емельянов өрөспүүбүлүкэ үрдүнэн ититии сезона кэмигэр саҕаламмытын бэлиэтээтэ. Бары 45 муниципальнай тэриллиилэр уонна куорат уокуруктара кыһыҥҥыга бэлэмнэнии сүрүн уонна эбии дьаһалларын түмүктээбиттэрин туоһулуур пааспардары ыллылар.
Саҥа дьыл бырааһынньыктарыгар өрөспүүбүлүкэ хомунаалынай-энергетическэй сулууспалара күүһүрдүллүбүт эрэсииминэн үлэлиэхтэрэ.
Киһи барыта баттаҕа хойуу, үчүгэй туруктаах, көстүүлээх буолуон баҕарар. Онуоха кэмиттэн-кэмигэр араас мааскалары оҥостуохха сөп.…
Суоттуга Хоноҕордооҕу "Түһүлгэ" сынньалаҥ киинигэр нэһилиэкпит аҕам саастаахтарыгар анаан Саҥа дьыллааҕы ураты тэрээһин буолла. …
2 №-дээх полиция отделын дьуһуурунай чааһыгар балыыһаттан ойоҕоһугар тостуулаах киһи киирбитин туһунан иһитиннэрии киирбит. Холуобунай…
Дьарыктаах буолуу сулууспатын көмөтүнэн ааспыт сылга өрөспүүбүлүкэҕэ байыаннай эпэрээссийэ 121 кыттыылааҕын үлэҕэ ыллылар. 61 киһи анал…
Быйыл 140 сылын туолар В.Г. Белинскэй аатынан кыраайы үөрэтэр ааҕар дьиэҕэ "Айар кут" хоһоонньуттарын уонна…
Дьокуускайга 4 №-дээх полиция отделын дьуһуурунай чааһыгар эр киһи подъезка киниэхэ ыала саба түспүтүн туһунан…