48 ыал саҥа кыбартыыраҕа көһүөҕэ

Сунтаарга «Хаарбах дьиэттэн дьону көһөрүү» тосхолунан сыллата хастыы да дьиэ үлэҕэ киирэр.

Бүгүн куораттыы моһуоннаах, саҥа түөлбэҕэ эрдэ тутуллубут таас дьиэ икки подъеһа аһылынна. Манна 48 кыбартыыраҕа эргэ дьиэлэртэн олохтоохтор көһөн киирдилэр. Кэрэхсэбиллээҕэ, кыбартыыраҕа  бүтүннүүтүгэр сылаас муоста тэлгэммит, тиэргэнигэр «1000 дворов» федеральнай тосхолунан оҕо оонньуур былаһаакката холбуу арылынна.

Үөрүүлээх түгэҥҥэ кыттыбыт СӨ бырабыыталыстыбатын бэрэссэдээтэлин солбуйааччы Георгий Степанов: «Национальнай бырайыак, атын да судаарыстыбаннай тосхоллор олох хаачыстыбатын тупсараллар», —  диэн туран, олохтоохторго бары үчүгэйи баҕарда.

Сунтаар улууһун дьаһалтатын пресс-сулууспата