Ил Дархан, бырабыыталыстыба пресс-сулууспата.
Бүгүн, тохсунньу 11 күнүгэр, «Тымныы полюһа — Өймөкөөн» диэн VI экстремальнай марафон буолла. Кыһыҥҥы сүүрүүгэ Арассыыйа 16 эрэгийиэниттэн (ол иһигэр Красноярскай, Челябинскай, Иркутскай, Балашиха, Москва куораттартан) уонна Саха сирин 13 улууһуттан анаан кэлбит 50-тан тахса спортсмен кытынна. Кыайыылаахтар кимнээҕий?
Бүгүн кылгас дистанцияларга сүүрүү буолла. Сарсын 42,2 уонна 50 килэмиэтиргэ сүүрүөхтэрэ. Күрэхтэһиигэ 18-тан 70-гэр диэри саастаах сүүрүүнү таптааччылар уонна идэтийбит спортсменнар кытталлар.
Бүгүн Өймөкөөҥҥө -49 кыраадыс тымныы этэ. 5 килэмиэтиргэ Полина Слободчикова, 10 килэмиэтиргэ — Алексей Кузько, 15 килэмиэтиргэ — Эдуард Ксенофонтов уонна 21,1 килэмиэтиргэ – Алексей Герасимов бастаатылар.
Маны тэҥэ, аан дойду чыпчаала — Эверест хайаны сахалартан бастакынан дабайбыт, Өймөкөөн олохтооҕо Евгений Кривошапкин 21,1 килэмиэтиргэ сүүрдэ.
Марафон Улуу Кыайыы 80 сылыгар уонна Арассыыйаҕа Аҕа дойдуну көмүскээччилэр, Саха сиригэр Ийэ дойдуну көмүскээччилэр сылларыгар ананар.
Кыттааччылар бары бэйэлэрин аймахтарын — Аҕа дойду улуу сэриитин кыттыылаахтарын мэтириэттэрин илдьэ сүүрдүлэр. Таҥастарыгар бэтэрээннэр хаартыскалара уонна кылгас иһитиннэрии сыһыарыллыбыт.
Ыраахха сүүрэр ыараханын ааһан, кыһын тымныыга сүүрэр өссө ыарахан. Манна бэлэмнээх эрэ дьон тулуйар кыахтаахтар. Биэтэккэ кэлбит спортсменнар бары бэйэлэрин кыайыылара улахан ситиһии буолар.
Ил Дархан, бырабыыталыстыба пресс-сулууспата.
Аллайыаха улууһун Оленегорскай олохтооҕо Виктория Трофимова күһүҥҥү көстүүнү хаартыскаҕа түһэрэн ыытта. -- Быйыл отон аанньа…
«Саханефтегазсбыт» ыччат идэтийиитигэр былааннаах үлэтин салгыыр. Бу күннэргэ А.Е.Мординов аатынан Тааттатааҕы лиссиэй улахан кылааһын үөрэнээччилэригэр анаан…
Саха сиригэр балаҕан ыйын 20 күнүттэн алтынньы 20 күнүгэр диэри любительскай балыктааһыҥҥа илими туһаныы бобуллар.…
Бу маннык ааттаах, айылҕаны харыстыырга ыҥырар аахсыйаны «АЛРОСА» хампаанньа экологическай киинэ 2018 сылтан тэрийэр. Бу…
Балаҕан ыйын 16 күнүгэр Дьокуускайга икки оҕону массыыналар түҥнэри көттүлэр -- Каландаришвили уулусса Ленин проспегын…
Дьокуускайга Сэргэлээххэ уһаайбалаах хаһаайын ыаллыы олорор киһитэ кинилэр ааһар суолларын бүөлээн, олбуор аанын туппутун туһунан…