49 саастаах эр киһи оонньуур былаһааккаҕа оҕону халаабыт

ИДьМ сулууспатын 2-с №-дээх полициятын отделын дьуһуурунай чааһыгар Дьокуускай куорат олохтооҕо дьахтар сайабылыанньа суруйбут.

Кини этэринэн, Лермонтов уулуссаҕа баар дьиэ таһынааҕы оҕо былаһааккатыгар биллибэт киһи кини 9 саастаах оҕотун суумкатын былдьаабыт. Суумка иһигэр суотабай төлөпүөн, иитэр тэрил, оҕо баанын каартата уонна дьиэ күлүүстэрэ бааллар эбит. Хоромньу уопсай суумата 8 000 солк.  буолбут.

Көрдүү үлэлэр түмүгэр ИДьМ сулууспатын үлэһиттэрэ уорбаланааччыны – 49 саастаах эр киһини туппуттар. Силиэстийэҕэ быһаарыллыбытынан, оҕо оонньуур былаһааккаҕа оонньуу сылдьан, суумкатын ыскамыайкаҕа ууран хаалларбыт. Буруйу оҥорооччу маннык балаһыанньаны туһанан, уорууну оҥорбут. Кини оҕо малын атыылаабыт уонна харчыны тус наадатыгар туһаммыт. Уоруллубут мал сорҕото былдьанна. РФ Холуобунай кодексатын 158-с ыстатыйатын 2-с чааһынан («Уоруу») холуобунай дьыала тэрилиннэ. Бу ыстатыйанан эр киһи 5 сылга диэри көҥүлэ быһыллар эппиэтинэһи сүгэр.