Хаартыска РФ ИДьМ сайтыттан
Соторутааҕыта Усуйаана улууһун полициятын үлэһиттэрэ Евгений Першин уонна Иннокентий Борисов туундараҕа сүппүт дьону быыһаабыттара.
Сүппүт дьонтон биирдэстэрин кэргэнэ, сибээскэ тахсыбатаҕын иһин, полицияҕа биллэрбит. Ол кэннэ, быыһааччылар көрдүү барбыттар. Дьахтар кэпсээбитинэн, доҕордуулар хоту улууска бу маҥнайгы сырыылара, ол иннинэ экстремальнай усулуобуйаҕа айаннаан көрө иликтэр эбит. Оттон ол диэки ити кэмҥэ, кыһайан туран, -50 кыраадыс тымныылар түспүттэр. Полициялар тута көрдүү барбыттар.
Атыыһыттар Депутатскайтан Хаһааччыйаҕа эргинэ диэн айаннаабыттар, 230 км барбыттарын кэннэ, массыыналара алдьанан айанныыр кыаҕа суох буолбуттар. Полиция олохтоох дьонтон ыйытан айанньыттар Усть Куйгаҕа таарыйан, сапыраапкаланан баран, Хаһааччыйа диэки барбыттарын эппиттэр. Айанньыттар суолларын быһа түһээри, кыһыҥҥы сабыылаах суолунан барбыттар.
Массыыналара умуллан баран, бүтүннүү хаарынан бүрүллүбүт. Астара-үөллэрэ иккис, оттуктара үһүс күннэригэр бүппүт. Бу дьону түүлээх саҕынньахтарынан эргинэллэрэ эрэ быыһаабыт. Кинилэр атыылыахтаах саҕынньахтарын бүтүннүү үрүт-үөһэ бүрүнэн, тоҥон өлөртөн быыһаммыттар.
Быыһааччылар суол оҥорооччулары кытары кэпсэтэн, кинилэри кытары массыына барбыт туһаайыытынан айаннаан, бөһүөлэктэн 60 км сиртэн булбуттар.
Көстүбүт дьону Усть Куйга бөһүөлэгэр аҕалбыттар, медиктэр көрөн баран доруобуйаларыгар туох да куттал суоҕун, туруктара этэҥҥэтин биллэрбиттэр.
2022 сылтан төрүт култуураны тарҕатааччыларга Ил Дархан истипиэндьийэтэ бэриллэр буолбута. Бу кэмтэн уопсайа 81 киһи…
Үөһээ Бүлүү улууһугар ыытыллар «Тыа сирин оскуолата уонна Үөрэх маарката-2025» XXI өрөспүүбүлүкэтээҕи педагогическай дьаарбаҥкаҕа Саха…
Саха сиригэр от ыйын 1 күнүттэн 2025-2026 сс. бултааһын сезонугар саамай тарҕаммыт бултка - көтөрү…
Байыаннай дьайыыга сылдьар хоһуун санаалаах хорсун ыччаттарга Кэбээйи улууһун Куокуй нэһилиэгэр "Надежда" иис түмсүүтэ тиһигин…
От ыйын 8 күнүгэр -- Дьиэ кэргэн күнүгэр Саха сириттэн Архангельскай, Магадаан уобаластарыттан эдэр пааралар…
Арассыыйа үрдүнэн мэдиссиинэ эйгэтигэр каадыр тиийбэтин кыһалҕата күүскэ бэлиэтэнэр. Бу боппуруоһу быһаарар биир ньыманан биэнсийэҕэ…