Ил Дархан, бырабыыталыстыба пресс-сулууспата.
2025 сыл саҕаланыаҕыттан Саха сириттэн 50 массыынаны анал байыаннай дьайыыга тиэртилэр. Тиэхиникэни кытта байыастарга чугас дьонноруттан баһыылкалары, волонтердар хомуйбут гуманитарнай көмөнү илдьэллэр.
Бу туһунан «Кыайыыга — бииргэ!» хамыыһыйа суһал ыстаабын сүрүннүүр киинин салайааччы Георгий Куркутов брифиҥҥэ иһитиннэрдэ.
— Соторутааҕыта Дьокуускайга төгүрүк остуол буолбута, онно волонтердар түмсүүлэрин өйүүр туһунан кэпсэтии барбыта. Ыччат бэлиитикэтин, социальнай коммуникация министиэристибэтин, суһал ыстаап таһымыгар волонтердары таҥас тигэргэ матырыйаалынан, малларынан хааччыйар систиэмэни тэрийэргэ этиилэр киирбиттэрэ, — диэн Георгий Куркутов кэпсээтэ.
Маны тэҥэ, «Кыайыыга — бииргэ!» хамыыһыйа РФ Сэбилэниилээх күүстэрин, Национальнай гвардия сэриилэрин федеральнай сулууспаларын кытта доруоп саалары хомуйуу үлэтин саҕалаатылар.
Доруоп саалар дроннары сууллартыырга олус наадалар. Ону өйдөөн, сокуон туох баар ирдэбилин тутуһан, доруоп саалары хомуйарга уонна байыастарга тиэрдэргэ үлэ бара турар.
— Бу сыл саҕаланыаҕыттан 10 улуус дэлэгээссийэтэ байыаннай дьайыы сиригэр-уотугар бара сырыттылар, гуманитарнай көмөнү тиэртилэр. Сүрүннүүр киин бу сыл устата улуустар анал байыаннай дьайыыга оробуочай сырыыларын кыраапыгын оҥордо, — диэн Георгий Куркутов эттэ.
Ил Дархан, бырабыыталыстыба пресс-сулууспата.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…