Хаартыска: Евгений Ураанхай.
Муус устар 12 күнүгэр Ил Түмэҥҥэ 50-тан тахса сыл олорбут кэргэнниилэргэ 50 тыһыынча солкуобайы биэрэр туһунан сокуон барылын киллэрдилэр. Бу сокуон барылын Ил Түмэн саайтыгар билсиэххэ сөп.
Бастакы сыллара саахсаламмыт күннэриттэн ааҕыллан барар. Онон 50, 60, 70 сыл бииргэ олорбут кэргэнниилэргэ 50 тыһыынча солкуобайы биэрэр буолуохтара. Кэргэнниилэр Саха сиригэр 20 сылтан кырата суох кэм устата олорбут буолуохтаахтар.
Бу сокуон барыла ылылыннаҕына, сабаҕалааһын быһыытынан, өрөспүүбүлүкэ бүддьүөтүттэн үбүлээһинэ сыллата 35 мөлүйүөн буолуон сөп.
2024 сылга Саха сиригэр 280 паара Кыһыл көмүс сыбаайбатын бэлиэтиир. 58 паара 60 сыл, 52 паара 60-тан тахса сыл бииргэ ыал буолан олорбуттар.
Санатар буоллахха, Дьиэ кэргэн уонна Оҕо саас сылларыгар саҥа ыал буолбут, 25 саастарын туола илик эдэр дьоҥҥо 50 тыһыынча солкуобайы биэрэр буолбуттара.
Бу маннык көмө миэрэлэрэ атын эрэгийиэннэргэ эмиэ бааллар. Холобур, Кыһыл көмүс сыбаайбаларын бэлиэтиир ыалларга Санкт-Петербурга уонна Ленинград уобалаһыгар — 50 тыһыынча солкуобайы, 60 сыл олорбуттарга — 60 тыһыынча солкуобайы, 70 сыл олорбуттарга — 70 тыһыынча солкуобайы, Москваҕа — 25,5 тыһыынча солкуобайы, Новосибирскай уобаласка — 50 тыһыынча солкуобайы биэрэллэр.
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…